web counter
LEXO PA REKLAMA!

SHKARKO APP

App Store
Google Play

Zgjedhjet e 6 marsit/ Ristani: Vulën e PD e ka sekuestruar Rama, koalicioni jonë është shumica e opozitës

1 Shkurt 2022, 18:52, Politikë CNA

Anëtari i Komisionit të Rithemelimit Arben Ristani ka komentuar zgjedhjet e pjesshme vendore që do të mbahen në 6 mars, ndërsa ka pasur edhe një përgjigje për sulmet dhe akuzat që ka bërë Lulzim Basha.

Në një intervistë televizive, Ristani theksoi se Lulzim Basha përfaqëson pakicë ekstreme në PD, duke shtuar se ai dhe të tijët janë të humbur në çdo rast.

Më tej, Ristani u shpreh se vula e PD është sekuestruar nga Edi Rama.

?Vula e PD është sekuestruar nga Rama. Ne nuk e lamë opozitën pa përfaqësi. Kandidatët tanë janë më të mirët të mundshëm, të dalë nga vota e drejtpërdrejtë e qytetarëve. Basha kur ka garuar për kryetar të Bashkisë së Tiranës ka marrë vota edhe nga të tjerët, madje edhe nga komunistët.

Basha përdor retorikë që të mbyllë hallet që ka, Basha përfaqëson pakicë ekstreme në PD. Janë të humbur në çdo lloj rrethane, nëse marrin pjesë, do jenë të fundit. Koalicioni ynë është padyshim shumica në kampin opozitar?, u shpreh Ristani./E.K-CNA.al





Lajmet e fundit nga