“Gara është e humbur”/ Ish-anëtari i Këshillit Kombëtar “leksion” Bashës dhe Berishës

1 Shkurt 2022, 12:56, Politikë CNA

Ish-anëtari i Këshillit Kombëtar të PD, Edvin Kulluri ka komentuar situatën në të cilën ndodhet PD si dhe garën elektorale të 6 marsit, për gjashtë bashki.

Në një postim në rrjetet sociale, Kulluri thekson se PD nuk po del dot nga rrethi i absurdit 8 vjecar!

Ai i jep një leksion të fortë Bashës dhe Berishës, ndërsa shkruan se gara duket e humbur, ende pa filluar dhe se PD nuk mund të fitojë e përçarë.

?Ata që deri në 25 prill besonin se duke mbështetur Bashën mund të fitonin zgjedhjet e 25 prillit, sot deklarojnë se mund te fitojnë 6 bashkitë duke qënë të ndarë! Të dyja palët që kanë vendosur të hyjnë në zgjedhje me dy sigla të ndryshme nxjerrin njerëz në ekrane që përbetohen për fitore të padiskutueshme!

Po si fitohen bashkitë duke e çarë votën e PD në 2 pjesë, me koalicione inekzistente ose të pjesshme? Përvec Shkodrës që ka një mundësi të vogel teorike per tu fituar nga kandidati i Grupit të Rithemelimit, te 5 bashkite e tjera janë të humbura që pa filluar fushata!

Së pari, politika është perceptim! Që në momentin që PD është e përçare, perceptimi i votuesve është shumë i dobët për kandidatët!

Së dyti, në këtë garë nuk do ketë votim për këshillat bashkiake, c? ka do të thotë se motivimi i personave të angazhuar në zgjedhje do te jetë më i ulet!

Se treti, aleatët janë ose pasivë ose indiferentë, c?ka është një faktor negativ!

Së katërti, të dyja palet po hyjnë në garë për të mbajtur pozicionet e forcës përballë njëra-tjetres por jo ndaj mazhorancës socialiste!

Të përbetohesh për fitore në 6 mars ka dy shpjegime!

E para, i dijnë njerëzit budallenj! E dyta, janë çmendur vete pasi kane hyre ne rreth vicioz dhe flasin për inerci pa menduar fare se çfarë nxjerrin nga goja!

Lul Rrena dhe altoparlantet e tij të prishur përbetohen të mundin të gjithe aktorët e tjerë politikë ndërkohë që shumicen e demokratëve e ka kunder!

Ndersa Grupi i Rithemelimit nga ?marrja e partisë? ka kaluar ne fazën e marrjes se një vote më shume se PD zyrtare! Të dyja palët po gënjejnë veten në raport me objektivat që kanë vendosur po vetë!

Sic ka thënë një burrë i mençur ?budallallet mos i ler me shkrim?! Këta po mundohen ti lënë me zë e figurë!?-shkruan Edvin Kulluri./CNA.al