web counter
LEXO PA REKLAMA!

SHKARKO APP

App Store
Google Play

Meta “sulm” ndaj Vitore Tushës/ Klodiana Lala zbardh detaje nga seanca në Kushtetuese

1 Shkurt 2022, 09:38, Politikë CNA

Në Gjykatën Kushtetuese që prej orës 10.00 po mbahet seanca ku do të vendoset nëse do të shkarkohet apo jo Presidenti Ilir Meta.

Sipas gazetares Klodiana Lala, paraprakisht Presidenti me shkresën me nr. protokolli 392 ka paraqitur një kërkesë në Kushtetuese.

Kërkesa është paraqitur mëngjesin e sotëm në orën 09.00.

?Çështja është paraqitur në qershor 2021 e po shqyrtohet vetëm në shkurt 2022. Kërkesa lidhet me anetarët e trupës gjykuese, pasi ka shkaqe që i bën ata të njëanshëm në shqyrtimin e kërkesës?,  ka thënë këshilltari ligjor i Presidentit, Bledar Dërvishaj.

Sipas tij, raporton gazetarja Klodiana Lala,   ka shkaqe papajtueshmërie për Vitore Tushen, sepse ka 5 vite me mandat të përfunduar.

?Kërkojmë që anëtarët e kushtetueses të vlerësojnë nëse janë ose jo përpara rasteve që duhet të heqin dorë nga shqyrtimi i çështjes. Për disa nga anëtarët kemi zbuluar vetëm ditën e djeshme disa shkaqe që i bëjnë të papajtueshëm dhe në konflikt interesi. Kryetarja e Gjykatës Kushtetuese ka hyrë ne vitin e 5 me mandat të përfunduar. Ndërsa për dy anëtarë të tjerë është deklaruar përfundimi i mandatit. Presidenti ka vite që denoncon hapur kapjen e drejtësisë, por sot ka të drejtë të gjykohet nga një gjykatë e pavarur dhe e paanshme?, është shprehur Dërvishaj./CNA.al





Lajmet e fundit nga