Elezi kundër koalicionit Berisha-LSI/ “Po i bëni atentat ringritjes së PD, kjo është zgjidhja e vetme”

31 Janar 2022, 21:59, Politikë CNA

Ish kreu i PD Kukës Ibsen Elezi ka dalë kundër koalicionit të Sali Berishës me LSI.

Në një postim në rrjetin social Facebook, Elezi shkruan se ky veprim është një tallje me vullnetin e 4934 delegatëve dhe 44000 anetarëve është guxim i marrëm që do ju kushtojë shumë se demokratëve.

Sipas tij, përmes kësaj marrëveshje, PD-së po i bëhet një atentat pa u ringritur mirë.

Postimi i plotë i Elezit:

Koalicion me LSI është vazhdimësi e imoralitetit politik !!!

LSI është një forcë e majtë, në mos më ekstrem se PS.

Koalicioni me një forcë të majtë politike në statutet e mëparshme të PD ka qenë e përcaktuar si kompetencë e Kuvendit Kombëtar, në statutin e datës 11 dhjetor 2021 është përcaktuar si kompetencë e Këshillit Kombëtar, por e paspecifikuar.

Kjo është bërë e qëllimshme nga po ata ustallarë që këshillonin dikur Lulin për statutin e tij.

Nga i lind e drejta S29 apo Sali Berishës për të marr një vendim në kundërshtim me vullnetin e antarësisë?!

Kush janë këta që guxojnë të sillen si Luli akoma pa e larguar dot atë ?!

Kush janë këta që flasin për frymë dhe e vrasin atë akoma pa lindur mirë?!

Fryma lind kur arrin të jesh konseguent në beteja të vazhdueshme, pa ceduar as milimetrin në parimet themelore morale dhe jo të flirtosh me imoralitetin politik që në stacionin e parë.

Kur u shpreha me rezerva në Kuvendin e datës 11 dhjetorit për zgjedhjen jodemokratike të G29-ës, shumë miq më shkruanin me dashamirësi që s’duhej ta kritikoja në një moment të tillë dhe i kam mirëkuptuar, por kam qenë i bindur se ky grup rithemelimi nuk do më mbante dot barrën e ngarkuar.

Sipas Doktorit, në emër të S29 marrvëshjen me LSI e paska firmosur Muli, këtu e ke menduar mirë, marrëveshjet e pamoraleshme i shkojnë për shtat tradhetarëve, LSI-in e keni quajtur vetë të tillë në 2013, ndërsa Mulin dhe Lulin e kemi provuar në protestën e traut të 31 marsit 2018, kur për pazaret e tyre mbronin në parlament traun e Ramës.

Guximi i S29 për të tallur me vullnetin e 4934 delegatëve dhe 44000 anetarëve është guxim i marrëm që do ju kushtojë shumë se demokratëve.

Ata presin vazhdimin e aksionit politik të lënë në gjysëm në datën 8 janar, dhe jo lënien në gjysëm si modeli Luli.

Nëse nuk hiqni dorë nga ky imoralitet, ju me vetëdije po i bëni atentatin e rradhës frymës për ringritjen e PD-ës.

Dalja me kandidat të pavarur, në mungesë të siglës së mbajtur peng nga Rama dhe Basha, është e vetmja zgjidhje që krijon besim dhe frymë në opinionin publik./E.K-CNA.al