web counter
LEXO PA REKLAMA!

SHKARKO APP

App Store
Google Play

E fundit!

x

Basha ngelet pa kandidatë/ Emra vetëm në 4 bashki

31 Janar 2022, 16:09, Politikë CNA

Lulzim Basha ende nuk ka mundur të zyrtarizojë emrat e tij për garën e 6 marsit ku pritet të zhvillohen zgjedhjet në 6 bashki. Burime zyrtare nga PD-ja e Bashës i thanë CNA.al se Luan Haka është emri që Basha do kandidojë për Bashkinë e Dibrës, ndërsa kryetarin e komanduar të Durrësit Luan Hoti do të jetë kandidati për kryetar bashkie në qytetin bregdetar.

Në Shkodër janë në skenarin e Bashës tre emra Xhemal Bushati, i cili ende nuk ka konfirmuar kandidimin e tij, me gjithë kembnguljen e Bashës si dhe dy zonja Izmira Ulqinaku dhe Nevila Xhindi.

Në Rrogozhinë emri që pritej ishte Shkelqim Hoxha, një personazh grotesk dhe skandaloz, që duket se e ka braktisur Lulin dhe s?ka pranuar të hyjë në garë në momentet e fundit. Mësohet se sot sërish Hoxha ka vazhduar negociatat me Bashën. Një tjetër emër i dikutuar është Ferdiand Saraçi si kandidat i mundshëm i Lulzim Bashës për Bashkinë e Rrogozhinës.

Në Bashkinë e Lushnjës Saimir Korreshi  s?ka pranuar kandidimin për Bashkinë, duke mbajtur mandatin e tij të deputetit. Basha dhe të tijët në degën e Lushnjës ende janë pa një emër konkret.

Në Bashkinë Vorë Lulzim Basha ende s?ka mundur të sigurojë një emër kur është në momentet e fundit të afateve për publikimin e kandidatëve.

Janë vetëm 32 ditë fushatë për çdo emër nga dita e sotme dhe Basha po përballet me faktin se në disa Bashki nuk po gjen dot kandidatë pasi nuk i pranojnë që të jenë përfaqësues të tij, për më tepër të dalin të tretët dhe humbës të garantuar në garën e 6 marsit.

Socialistët kanë zyrtarizuar kandidatët për 5 bashkitë që janë pa kryetar, Vorën, Rrogozhinën, Durrësin, Dibrën dhe Shkodrën, ndërsa kandidati për Lushnjen pritet të bëhet ditën e nesërme publike. Nga ana tjetër, edhe ish kryeministri Sali Berisha i ka zyrtarizuar 6 kandidaturat e tij, të cilët dolën nga primaret që u mbajtën dje.

Ndërkohë që ai që nuk ka nxjerrë akoma asnjë emër është Lulzim Basha. Luli si gjithmonë i treti, sepse gjithmonë lufton për të qenë i dyti dhe jo për fitues./E.K-CNA.al





Lajmet e fundit nga