E fundit!

20:46 Politikë

“Në drejtimin e duhur me kalendarin ambicioz”/ Rama: Jam optimist në mënyrën më shqiptare për mbylljen e kapitujve

Kryeministri Edi Rama gjatë fjalës së tij në konferencën n...

"Meta është tritol dhe Berisha zjarr"/ Nikoll Lesi: Të dy janë rrezik për Ramën

31 Janar 2022, 12:15, Politikë CNA

Gazetari dhe botuesi Nikollë Lesi me anë të një shkrimi në gazetën ?Koha Jonë?, shprehet se Presidentit Ilir Meta dhe ish kryeministrir Sali Berisha përbëjnë rrezik për kryeministrin Edi Rama.

Lesi parashikon skenaret e Metës dhe Berishës përballë qëndrimit të Ramës.

Sipas tij Rama do të ketë një pranverë të nxehtë, pasi Berisha ka zbritur në fushë, ndonëse i plagosur politikisht nga amerikanët, por me dyfekun elektoral në dorë, ndërsa Ilir Meta ka deklaruar shumë herë këto ditë se mezi pret të dalë në fushën e betejës politike.

?Me sa duket do të kemi pranverë jo të mirë për kryeministrin Rama pasi zjarri Berisha me tritolin Meta nuk do të jenë të lehtë për tu përballuar, aq me tepër se PD-ja zyrtare me Lulzim Bashën nuk ka forcë dhe turmë popullore për revolta apo protesta të dhunshme, sic ndodh në Itali, Greqi, Francë apo kudo ku populli del në rrugë kundër qeverisë?, shkruan Lesi.

Shkrimi i plotë:

?Berisha ka zbritur në fushë, ndonëse i plagosur politikisht nga amerikanët, por ama dyfekun elektoral e ka akoma në dorë!

Ilir Meta ka deklaruar shumë herë këto ditë se mezi pret të dalë në fushën e betejës politike.

Ai me 24 korrik e ka të sigurtë zbritjen në sheshin e luftës, por me 1 shkurt, pra pas dy ditësh gjykata kushtetuese jep vendimin e saj nëse do ta shkarkojë apo jo sic ka vendosur parlamenti. Me logjikë kushtetuese nuk ka argumenta për vendim shkarkimi, por duke ditur se kryeministri ka futur çdo pushtet në dorë, nuk është cudi që me 1 shkurt të ndodhemi para një vendimi surprizë. Kjo nisur edhe nga deklaratat antigjykatë kushtetuese të këtyre javëve nga Presidenti i Republikës, pasi ai duhet të ketë informacione të besueshme se dicka jo e mirë është gatuar në këtë gjykatë supërore shqiptare

Por kjo nëse ndodh, pra shkarkimi, veçse sa ia ndez me keq fitilat e tritolit politik, Ilir Metës.

Me sa duket do të kemi pranverë jo të mirë për kryeministrin Rama pasi zjarri Berisha me tritolin Meta nuk do të jenë të lehtë për tu përballuar, aq me tepër se PD-ja zyrtare me Lulzim Bashën nuk ka forcë dhe turmë popullore për revolta apo protesta të dhunshme, sic ndodh në Itali, Greqi, Francë apo kudo ku populli del në rrugë kundër qeverisë.

Deri më tani Rama ka qenë mbretëri e qetë, sepse siç tregoi opozita e këtyre dy viteve e kusur, dukej e zbehteë ose e blerë siç duan ta thonë tani Berisha dhe Meta. Por gjasat janë se po shkohet në një martesë politike bashkëqeverisëse Rama-Basha.

Edhe në vitin 2019 ishte ikja e Bashës nga parklamenti që solli deputetët e ?pazarit të Milotit?, të cilët i krijuan Ramës mbrojtje me numra sa nuk kishte çtë bënin deputetët anti-Rama, kur me një të thirrur me fërshëllimë, mblidheshin mbi 100 deputetë rrotull Edi ramës.

Këtë herë nuk do të jetë e lehtë për Edi Ramën, paçka se ka një Berishë non grata. Në fund të fundi kur popullit i vjen shpirti në majë të hundës nuk do t?ja dijë për njeri, por kërkon udhëheqës që ta thërrasin në përballje para kryeministrisë.

Berisha dhe Meta nuk janë nga ata që e sjellin popullin për xhiro përreth kryeministrisë dhe me pas e çojnë te parlamenti për ca shishe me benzinë.

Të dy janë rrezik për Ramën.

Kjo është e sigurtë, ndaj kryeministri për të mos humbur numrat dhe krijuar një mbështetje nderkombetare do të leshojë pushtet duke i dhuruar Lulzim Bashës shumë pushtet te pamerituar. Pra e merr ne bashkëqeverisje.

Kjo skemë ndez urrejtje, por a mundet ta rrëzojnë në parlament Ramën dhe Bashën kur të dy shkojnë diku të 100 deputetë sa në kohën e deputetëve opozitarë të cilët votonin qeverinë e PS-së me shpejt se sa vetë deputetët socialist të Ramës.

Do të kemi pranverë me surpriza politike dhe mbetet të shikojmë se data 1 shkurt a do të zbresë ne herët Ilir Metën në Bulevard me Berishën?, shkruan Koha Jonë./CNA.al