E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Akuza për udhëtimet luksoze/ Rama i përgjigjet PD, ironia e kryeministrit për Bashën

31 Janar 2022, 15:30, Politikë CNA

Kryeministri Edi Rama u është përgjigjur akuzave të ngrituar nga Partia Demokratike, se kreu i qeverisë ka bërë së fundmi një udhëtim charter luksoz me paratë e taksapaguesve shqiptarë.

Në një dalje për mediat, deputetja Oriola Pampuri e akuzon kryeministrin se me paratë e taksave të shqiptarëve ka udhëtuar në Evropë me një charter luksoz që vetëm për karburantin janë paguar 120 mijë euro.

Dhe, teksa i përgjigjet pyetjes së Pampurit se kush i paguan ?udhëtimet luksoze të kryeministrit?, Rama thotë se në ?ndryshim nga paraardhësit e tij që udhëtonin me business class, ai udhëton thuajse tërësisht me bileta ekonomike.?

Kreu i qeverisë nuk kursen ironinë edhe me matematikën e kryedemokratit Lulzim Basha apo ?bravat? që janë kthyer ndër fjalët më të përdorura në retorikën e përdorur nga ish-kryeministri Sali Berisha, kundër Lulzim Bashës.

Pampuri: Kush ka firmosur për udhëtimet e tij? Kush i ka paguar ato?

Rama: ?Mesatarja vjetore e shpenzimeve për udhëtimet e mia zyrtare, të cilat paguhen nga fondi i kryeministrisë, është më e ulët se sa mesatarja vjetore e shpenzimeve të paraardhësve të mi, për arsyen e thjeshtë se ata udhëtonin në business class ndërsa unë kam udhëtuar thuajse tërësisht në ekonomik, me përjashtim te ndonjë rasti të veçantë ? e njëjta gjë edhe për ministrat. Ndërkohë qysh prej vitit 2020, kur kishim presidencën e OSBE, u bë një marrëveshje me kompaninë Air Albania dhe shpenzimi për vitin 2021 ishte nën mesataren e viteve të mëparshme.?

Pampuri: Vetëm për karburantin e një udhëtimi qejfi të Edi Ramës, harxhohen 120 mijë euro nga paratë e shqiptarëve.

Rama: ?Sasia më e lartë vjetore e shpenzimeve për udhëtimet e mia zyrtare ka qenë 4.623.089 lek në vitin 2014. Ndërsa shifra 120 mijë euro karburant për fluturim privat, është produkt i të njëjtës aritmetikë fantastiko-shkencore, që nga 1958 ulëset e Pallatit të Kongreseve nxori 5004 delegatë. Po t?i shumëzosh këta delegatë me 30 dhe pastaj të zbresësh 30, dalin fiks 120 mijë euro karburant për 7×7 brava, baraz 42 fluturime.?/E.K-CNA.al