web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet 6 Marsit/ Zbardhen emrat e partive të regjistruara në KQZ

1 Shkurt 2022, 09:29, Politikë CNA

11 forca politike janë regjistruar deri më tani pranë Komisionit Qebrot të Zgjedhjeve,  për pjesëmarrjen në zgjedhjet e pjesshme vendore të 6 Marsit.

Partitë politikë që janë regjistruar janë Partia Socialiste, Partia Demokratike, Lëvizja Socialiste për Integrim, Lëvizja e Re, Fryma e re Demokratike, Partia Kristian Demokrate, Partia Demokristiane, Partia e Reformave Demokratike, Partia Bashkimi Demokrat, Partia Balli Kombëtar Demokrat si dhe Partia Lëvizja e Legalitetit.

Me 6 mars do të zhvillohen zgjedhjet e pjesshme në 6 Bashki dhe konkretisht, në Durrës, Vorë, Rrogozhinë, Lushnjë, Shkodër dhe Dibër.

Bashkia Shkodër është prej vitit 2019 pa kryetar të ri, pasi fituesi i zgjedhjeve, Valdrin Pjetri i Partisë Socialiste, e humbi mandatin për shkak të ligjit të dekriminalizimit, pasi kishte të fshehur një dënim në të shkuarën. Detyrën e ushtron kryetarja e vjetër e bashkisë, Voltana Ademi.

Edhe bashkia e Vorës mbeti pa kryetar pasi Agim Kajmaku u bë subjekt i ligjit të dekriminalizimit. Në bashkinë Rrogozhinë ndërroi jetë kryebashkiaku Haxhi Memolla, ndërsa  kryetari i Bashkisë Dibër, Dionis Imeraj, dha dorëheqjen pasi garoi për deputet në listën e PS-së.

Bashkia e Durrësit mbeti gjithashtu pa kryetar pas dorëheqjes në dhjetor 2019 të Valbona Sakos. Bashkia e fundit që mbeti pa kryetar është ajo e Lushnjës në korrik 2021, kur kryetari Fatos Tushe u shkarkua nga Kryeministri pasi u arrestua për korrupsion nga SPAK./E.S-CNA.al





Lajmet e fundit nga