“Fushata do drejtohet nga grupi i rithemelimit, janë shumica e PD”/ Kryemadhi jep detaje për koalicionin

1 Shkurt 2022, 16:20, Politikë CNA

Kryetarja e LSI Monika Kryemadhi ka dhënë më shumë detje për koalicionin mes LSI dhe Berishës, që e kanë quajtur ?Shtëpia e Lirisë?.

Në një intervistë për media, teksa shprehu bindjen në fitoren e kandidatëve të koalicionit ?Shtëpia e Lirisë?, ajo tha se në Shqipëri ka vetëm një njeri që hyn në garë për të humbur. Kryetarja e LSI tregoi dhe modalitet e funksionimit të koalicionit ku sipas saj, pjesën e angazhimit politik, tezave do ta drejtojë Grupi i Rithemelimit.

?Kërkesa Në fakt është dorëzuar dje, pavarësisht se ka qenë para afateve kohore. Se duheshin regjistruar të gjitha partitë politike, 11 partitë politike më pas regjistroheshin koalicionet. Duke pasur parasysh për të mbyllur një proces për të mos krijuar asnjë lloj aludimi dhe për të ecur sa më shpëjt që dhe kandidatët të fillonin proceset e tyre.

Ne nuk do të kemi kandaditatët tanë, këto janë kandidatët e grupit të rithemelimit të cilët kanë ardhur si rezultat i primareve. Lider politik i këtij koalicioni edhe në marrëveshje është vetë grupi rithemelimit janë ata që do të drejtojnë fushatën politikisht në aspektin e tezave politike, angazhimeve politike, ndërsa LSI është instrumenti i regjistrimit të kandidatëve së bashku me Partinë Demokristiane në KQZ. Për të lehtësuar një proces burokratik. Kjo nuk do të thotë që LSI nuk do t?i bëjë thirrje të gjithë qytetareve apo dhe të gjithë mbështetësve të saj në të gjashta bashkitë për t?u drejtuar drejt kutive në 6 mars për të votuar atë kandidat në të cilin ata gjejnë veten?, tha ajo.

Kryemadhi tregoi edhe pse e mori këtë vendim për kandidatët e Komisionit të Rithemelimit dhe nuk doli me kandidatët e saj.

?Ka të bëjë me unifikimin e opozitës përballë kandidatëve të Rilindjes dhe dhënia e mundësisë qytetarëve për të pasur një qeverisje ndryshe. Na pëlqen apo nuk na pëlqen ne, grupi i rithemelimit, mjafton të shikosh balancash shumica dërrmuese e Partisë Demokratike është me grupin e rithemelimit, kush kërkon të bëjë demagogji është si të fusësh minaren në xhep. Përsa i përket anës së teknilatiteve ka negociuar Zoti Vasili dhe Endrit Braimllari, Sekretari i Përgjithshëm?, shtoi kryetarja e LSI.

E pyetur se si do shkojë kjo garë, ajo tha: ?Nuk ka njeri që hyn në garë për të humbur. Vetëm një kemi që hyn në garë për të humbur. Që i bën llogaritë për të humbur sepse fiton më shumë duke humbur sesa fitojnë mbështetësit e tij. Normal që kandidatët e koalicionit ?Shtëpia e Lirisë? hyjnë për të fituar?./E.K-CNA.al