Shënim/ Niku i lagur kërkon të shpëtojë Lulin e njomur

29 Janar 2022, 16:14, Politikë CNA

Politika shqiptare në vite na ka treguar se mund të krijojë lloj-lloj modelesh, shumë nga këta lloj aktorësh nuk e kanë problem edhe po të duken si kllouna cirku, si palaço politike etj si këto. Mjafton t?i shërbejnë karriges që kanë që e ngrohin me b? e tyre të paguar nga taksat e shqiptarëve të varfër.

Le të shohim një rast që kërkon analizë në politikë.

Kreshnik Çollaku, tashmë është kthyer në njeriun që bën thirrje për bashkimin e demokratëve. Një Shveik i vogël i Lulit të njomur, që duket se flet sipas modelit ku di unë se ç?bëj unë, apo ku di unë se çfarë them unë.

Njeriu që i doli PD-së përballë duke i shërbyer Edi Ramës në zgjedhjet lokale të vitit 2000, sot po i shërben sërish kreut të qeverisë duke qëndruar pas Lulzim Bashës, duke nxitur jo vetëm përçarje, por edhe mbijetesën e humbësit më të madh që ka njohur PD nga themelimi i saj. Këtu nuk po përmendim bëmat dhe gjëmat e Nikut në përçarjen e FRPD, daljen me Genc Pollon, sharjet në konfidencë ndaj Lulit, qëndrimet e tij si marksist nga një anë me politikën në Kosovë, pa shkuar tek servilizmi ndaj disa drejtuesve të PD e deri tek zgjedhja deputet e kapja e degës 2 të PD nga familja.

Çollaku ka dalë në publik me një tezë të re, ai bën thirrje për bashkim deri ditën e zgjedhjeve të pjesshme të 6 marsit dhe më pas le të fillojë sherri prapë.

Niku i cili thonë o lag, të njëjtën ditë kur Luli u njom, ditën kur demokratët rrethuan selinë e PD, kërkon të gjejë një zgjidhje për të shpëtuar Lulin e tij që i dha karrigen e deputetit, kuptohet për t?i shërbyer siç po bën sot. Një alibi për fitoren ose humbjen, po fitoi fiton Luli, po humbi i humbën ata.

Ka propozuar bashkim në 6 mars, pastaj të vazhdojë beteja. Po kush dhe si do bashkohen dhe me kë?

Me Nikun që u lag, me Lulin që u njom dhe thirri policinë që rrahu dhe ju hodhi gaz, me Salianjin që i godiste me dru, me Gazin që i quante pjanecë, me të tjerët që u thanë demokratëve horra, llum, hajdutë, të korruptuar, banditë, qelbësira, i kanë sharë e fyer, po i burgosin komisariateve, i mbytën me gaz kur shkuan në shtepinë e tyre, të cilën e morri peng Niku i lagur me Lulin e njomur, gazin e pjeshkat e oborrit që ruheshin me mercenarë e njerëz të botës së krimit.

Ja i falin demokratët të gjitha këto, të bashkohen që të thahen e të fitojë Niku dhe Luli? Që demokratët të dëgjojnë në datën 6 mars se e ardhmja e Nikut dhe Lulit me kurtizanët e PD, kanë fituar.

Demokratët nuk janë as dele, as ushtarë që i shërbejnë Ramës si Niku i lagur apo Luli dhe Gazi i qullosur.

Niku kërkon një alibi për humbjen e 6 marsit dhe atë e paralajmëron kohë më parë duke thënë hajdeni të shpëtojmë Lulin e njomur, kur të humbë do thotë s?kemi faj ne, e kanë ata.

Luli nga ana e tij duart me gjakun e demokratëve, duart që hodhen dhe bombat me gaz në fytyrat e tyre, tani i shtrin, kërkon ti puthë ata që u nguli thikën pas shpine dje jo vetëm në 8 janar, por edhe në 25 prill, në 2019, në 2017 e çdo ditë që ka qenë në krye të PD e dje si ish-ministër.

Ka zgjidhje që të thahet Niku i lagur, e shpëtojë Gazi i qullosur, kuptohet dhe Luli i njomë, por këtë duhet ta gjejnë vetë. Bebelinat që veshin pas daljet nga studio televizive nuk janë zgjidhja, kjo tashmë është kuptuar./E.K-CNA.al