web counter
LEXO PA REKLAMA!

SHKARKO APP

App Store
Google Play

“Gjendja është e rëndë”/ Meta: Alarm për ekonominë dhe borxhin publik

29 Janar 2022, 10:52, Politikë CNA

Pas konferencës së një dite më parë, presidenti Ilir Meta  ka reaguar sërish për ekonominë dhe borxhin publik.

Sipas tij, qeveria shqiptare është e vetmja në botë që futet në borxhe të mëdha për të rritur prosperitetin por ndodh krejt e kundërta.

Si referencë Meta ka përdorur  Indeksin e Prosperitetit, të përgatitur nga Legatum Institute.

 “Futesh në borxh për t’u përmirësuar dhe jo për t’u përkeqësuar! Në të kundërt ndodh me vendin tonë. Sipas Indeksit të Prosperitetit, të përgatitur nga Legatum Institute, institucion i pavarur prestigjoz i përpunimit të statistikave që vijnë nga burime të besueshme, rezulton se vetëm brenda dy viteve të fundit Shqipëria ka përkeqësuar me tre shkallë treguesin e prosperitetit, duke rënë në vendin e 69-të për vitin 2021, nga vendi i 66-të, që ndodhej në 2019. Në terma konkretë, qëndrueshmëria fiskale, dinamizmi ekonomik, fuqia punëtore janë ndër më të ulëtat në Europë.

Në pikiatë rezultojnë cilësia e qeverisjes, e ekonomisë, zbatimi i ligjeve, respektimi i të drejtave të pronësisë, zbatimi i kontratave dhe detyrimeve.  Cilësia e jetës së qytetarëve shqiptarë ka rënë në tërësi dhe pothuajse jemi ndër të fundit në botë për besimin ndaj institucioneve. Gjendja është e rëndë dhe përkeqësimi nuk ndalet! Reflektimi i menjëhershëm, efektiv dhe i përgjegjshëm është domosdoshmëri”, shkruan Meta në rrjete sociale.

Këto reagime të tij të herëpashershme vijnë në një kohë që pritet vendimi i Gjykatës Kushtetuese nëse do ta shkarkojë apo ta lejojë deri në përfundimin e manadatit zyrtar, në Korrik të këtij viti./E.S-CNA.al





Lajmet e fundit nga