Tritan Shehu thumbon Bashën/ Lider nuk të bëjnë ambasadorët

29 Janar 2022, 12:01, Politikë CNA

Deputetit Tritan Shehu ka reaguar pas atkimit të ambasadores Yuri Kim me kryetarin e shkarkuar Lulzim Basha.

Duke ironizuar Bashën, ai i kujton se lider nuk të bëjnë ambasadorët por votat e shqiptarëve.

“?Lider? nuk të bëjnë ambasadorët, por njerëzit, mbështetja e tyre.

Ndjej keqardhje për çdo kënd, në radhë të parë për deputetë të PD, që përdorin si ?varkë shpëtimi? a ?fije floku? fotot e takimet me ambasadoret, sado të rëndësishëm të jenë ata, duke i hiperbolizuar e fetishizuar ato.

Dëshiroj t?ju them atyre, se në fakt transmetimi i kësaj ndjesie bën efektin e kundërt në opinion, për atë që e përdor.

Megjithë respektin e thellë që kam për përfaqesuesit e vendeve partnere, nuk janë ata “shkopi magjik” që të bën të respektuar, lider, fitues në Shqipëri, dhe kudo në botën civile kjo.

Ky është një rregull demokratik, që tashmë është i qartë për vendin tonë nëë të gjithë këto vite demokracie.

Dhe këtë e them unë, që në vite jam përpjekur të kem e kam pasur në tërësi marrëdhënie shumë korrekte pune, miqësore edhe personale në shumë raste, shumë takime të sinqerta me përfaqësues a politikanë të rëndësishëm të jashtë kufijeve të Shqipërisë.

Por shumica e tyre, përveçse atyre të konsoliduara në kohë edhe në nivelin personal, kondicionohen gjithmonë nga dimensionet e mbështetjes e pozicioni formal që ke në vendin tonë, pra janë fluide, të përkoheshme, në vartësi të këtyre.

Nuk mund të të bëjnë “fitues” kur je “humbës”!

Fitoren apo humbjen ta japin votat në Shqipëri.

Je apo nuk je, dhe sa je opozitë, këtë e përcakton elektorati shqiptar në tërësi.

Dhe ai këtë e kupton, e ndjen, e percepton çdo cast, ashtu si tashmë e ka të qartë pse ne për tetë vite qëndruam në opozitë, njohëm veçse humbje në votime apo në ?tavolinë?.

Ai tashmë po e ndjen ?erën? e ndryshimit opozitar të vërtetë e të fortë, si të vetmen mundësi për të çuar në permbysjen e këtij rregjimi.

Ai di ta përcaktojë tashmë se nga po vjen kjo “erë” ndryshimi për opozitën e vendin tonë”, shkruan Tritan Shehu./A.E- CNA.al