web counter
LEXO PA REKLAMA!

SHKARKO APP

App Store
Google Play

“Kurrë më të tilla tragjedi”/ Mesazhi i fortë i Metës

27 Janar 2022, 10:02, Politikë CNA

Presidenti Ilir Meta ka kujtuar Ditën Ndërkombëtare të Kujtesës, për mijëra hebrenj që humbën jetën gjatë Holokaustit.

Në një postim në rrjetet sociale, Meta shpreh krenari për kodin e nderit dhe të mikpritjes të Shqipërisë, si i vetmi vend në Europë që strehoi hebrenj.

Po ashtu ai ka përcjellë mesazhe të forta, ndërsa thekson se të gjithë duhet të angazhohemi dhe të mos lejojmë KURRË MË të tilla tragjedi, gjenocide dhe akte çnjerëzore.

?Sot, në përvjetorin e Ditës Ndërkombëtare të Kujtesës, nderojmë miliona jetë të pafajshme hebrenjsh të humbura gjatë Holokaustit.
Krenarë për kodin tonë të nderit dhe mikpritjes BESA, Shqipëria ishte i vetmi vend në Europë ku numri i hebrenjve ishte më i madh pas Luftës së Dytë Botërore se para luftës, sepse familjet shqiptare, të besimeve të ndryshme, mbrojtën popullin hebre gjatë asaj periudhe të errët.
Duke përkujtuar viktimat e pafajshme të mizorisë së pashpirt të Holokaustit, dënuar antisemitizmin, mungesën e tolerancës, bashkëjetesës, dhe shkeljen e lirive, të drejtave dhe dinjitetin njerëzor, të gjithë duhet të angazhohemi dhe të mos lejojmë KURRË MË të tilla tragjedi, gjenocide dhe akte çnjerëzore.
#WeRemember #NeverAgain?-shkruan Meta./CNA.al





Lajmet e fundit nga