Fakti/ Basha në Korçë e mbushi sallën me ish-doganierë, tatimore dhe ish-punonjës të bashkisë së Bilishtit

27 Janar 2022, 13:38, Politikë CNA

Dje Lulzim Basha ishte në Korçë dhe në një sallë aspak entuziaste, totalisht të vrenjtur, në një ambient me shumë pak njerëz, Lulzim Basha tentoi të shiste një sukses të madh. Se po fliste me njerëzit sy më sy.

Përjashto katër pesë njerëz që numërohen sa gishtat e një dore, që mund të ishin qytetarë të Korçës. Pasi takimi bëhej në Korçë dhe duhet të përfaqësoheshin qytetarët e Korçës.

Në një bashki e cila ka rreth 80 mijë votues, Luli u mbyll në një sallë të vogël dhe e mbushi atë me njerëz të sjellë nga Devolli, nga Pogradeci dhe nga fshatrat e Korçës, apo Bashkia Maliq.

Nuk ka asgjë të keqe, por me devollinjtë duhet të shkojë të takohet në Bilisht, në Devoll. Me pogradecarët, në Pogradec.

Me qytetarët e Bashkisë së Maliqit, në Maliq.

Dhe jo t?i mbledhë me furgona apo me vetura private dhe t?i sjellë në Korçë, apo gjithashtu disa rrugaçë dhe persona me precedentë penalë t?i vendosë përpara kinemasë së Korçës, për të sharë, fyer dhe për t?u përdorur me një gjuhë horrash, ndaj demokratëve.

CNA.al po sjell foto më poshtë, pas kërkesës së bërë nga deputeti Ervin Salianji.

Ky i fundit, në fjalën e tij tha se jashtë Kinemasë ndodheshin 10 ?horra? të cilët ishin ish-doganierë, tatimorë, e të tjerë si këto.

Në fakt me foton e mëposhtme do të shikoni kush janë tatimorët dhe doganierët. Të gjithë rreth e rrotull Lulzim Bashës dhe Ervin Salianjit.

Në krah të tyre është edhe babai i Ervinit. Diku më pas është dikush që nuk ka asnjë lidhje me Partinë Demokratike. Më sipër është dikush që ka punuar kundër Partisë Demokratike vazhdimisht. Dhe tani meqë erdhi Luli dhe u zu me Saliun, ai është bërë ?demokrat?.

Fotot e mëposhtme do të shikoni ish-punonjësit e Bashkisë së Devollit, kur drejtohej kjo e fundit nga doganieri Bledion Nallbati.

Janë ish-punonjës të ndërmarrjes së gjelbërimit, janë ish-punonjës të administratës, të sjellë nga Bilishti në Korçë, për të mbushur sallën.

Jo pa qëllim disa nga fotot i kemi përdorur me pika, për të mos identifikuar personat sepse ata mund të jenë demokratë, dhe janë në të drejtën e tyre për të marrë pjesë në aktivitete.

Por, Lulzim Basha nuk mund të shesë sallën e Korçës me 200 apo 250 vende të mbushur me demokratë Korçarë, kur e ka mbushur me njerëz të sjellë nga Devolli apo nga fshatrat e Korçës, ku në fakt duhet të shkojë të zhvillojë takime, përtej show-t, që bëri dje në Korçë.

Dhe për më tepër tatimorët dhe doganierët e korruptuar të sistemit të djeshëm të Sali Berishës i ka në krah. I sulmon dhe i akuzon publikisht, duke i mbajtur afër. Por, në fakt i përdor duke i bërë kryetar bashkish, ndoshta iu merr dhe paratë për të financuar fushatat elektorale.

Fotot flasin vetë./CNA.al