E fundit!

10:08 Aktualitet

“Bashkitë në fazë të re zhvillimi”/ Demo: Duhen projekte cilësore për të përthithur fondet e BE-së

Ministri i Shtetit për Pushtetin Vendor, Ervin Demo, dekla...

Beteja për kreun e PD në gjykatë/ Zbulohet rruga që do ndjekë Basha

2 Janar 2022, 14:30, Politikë CNA

Beteja për kreun e ardhshëm të Partisë Demokratike do të vazhdojë në gjykatë, ku edhe Lulzim Basha edhe Sali Berisha kanë dorëzuar ndryshimet kushtetuese që ata miratuan në datën 11 dhe 18 dhjetor.

Ish nën kryetari i FRPD Lisandër Hoxha në një intervistë për CNA.al, duke analizuar zhvillimet e fundit në PD u shpreh se rruga e vetme që do ndjekë Basha, në një kohë kur është braktisur nga demokratët, është krijimi i një partie të re.

?Unë besoj se ndarja mes Bashës dhe demokratëve është e pakthyeshme dhe e shoh të vështirë bashkëpunimin e PD me të në të ardhmen. Për pasojë, mendoj se ai do të krijojë një parti të re dhe do jetë jashtë Parlamentit që në zgjedhjet e ardhshme.

Basha sot i ka varur të gjitha shpresat tek ndihma nga Rama dhe kjo e ka bërë akoma më të pashpresë. Mund të themi se Basha është i gënjyeri i fundit i Edi Ramës. Ai sot po trajtohet njësoj me deputetët e listave fundore, të cilët morën mandatet tona në 2019. Basha është kthyer në një makineri retorike politike të shëmtuar që as Gazi nuk i beson.

Unë mendoj se Bashizmi vdiq politikisht nga Foltorja dhe Rama nuk e sponsorizon dot më gjatë këtë projekt të falimentuar?, tha ai për CNA.al.

Hoxha theksoi se kriza brenda PD-së ka kohë që është aktuale dhe për këtë ai fajëson drejtpërdrejt Lulzim Bashën, si një person që nuk ka menduar për të ardhmen e demokratëve por për interesat e tij personale.

?Situata brenda së djathtës ka kohë që jep shenjat e një krize të brendshme morale dhe identitare. Z.Basha, për 8 vite, rendi pas përvetësimit të partisë në vend që të motivonte atë drejt fitores. 2021 ishte me plot ngjarje, të cilat derivojnë nga thelbi i krizës që është vetë Lulzim Basha. Të gjitha ato që ndodhen, për shumë demokrat, ishin shokuese sepse nuk e njihnin Bashën dhe kishin pritshmeri ndaj tij. Unë mendoj se ai nuk ka limite kundër demokratëve dhe do të përpiqet me çdo kusht të jetë një shkop nën rrotat e PD. Për të njohur njeriun që qesh, Lulzim Basha, mjafton t’i tundësh pak karrigen dhe do zbulosh një krijesë tjetër, të cilin nuk e ke njohur më parë?, tha ai./E.K-CNA.al