web counter
LEXO PA REKLAMA!

SHKARKO APP

App Store
Google Play

Basha në Dibër/ Ish kryebashkiaku e nxjerr zbuluar: Erdhi me njerëz të importuar nga Tirana

29 Dhjetor 2021, 16:21, Politikë CNA

Kryetari i shkarkuar i PD Lulzim Basha ishte ditën e sotme në Dibër, ku zhvilloi një takim në bazë. Por ndonëse nuk kishte mbështetje, Basha u mundua ta shesë si një takim entuziast dhe se kishte pas vetes gjithë demokratët.

Por nënkryetari i PD-së së Dibrës dhe ish-kryebashkiaku i Peshkopisë, Ilir Krosi, në një intervistë për media, foli për takimin e Lulzim Bashës.

Krosi theksoi se Basha nuk e mbushi dot sallën në Peshkopi, edhe pse kishte me vete njerëz të importuar nga Tirana e gjetkë.

Ilir Krosi vlerësoi se Lulzim Basha nuk ka me vete Dibrën dhe se ka kundër shumicën e anëtarëve të PD-së në këtë qark.

?Erdhën njerëz të importuar dhe salla nuk u mbush. Takimi ishte sajuar, duke lutur njerëzit. Strukturat e seksioneve të komunave të Dibrës nuk kishin ardhur. Ky takim ishte për të mashtruar veten dhe të tjerët. Shumica e anëtarëve të PD janë kundër tij dhe nuk e di pse nuk respekton këtë verdikt të demokratëve.

Ka 3-4 ditë që po bëhen telefonata, janë vënë njoftime edhe në shtylla për këtë takim të Bashës në Peshkopi. Lulzim Basha nuk e ka përkrahjen e Dibrës. Në takim ishte edhe babai i Agron Cekajt. As një e treta e anëtarësisë nuk ishte e pranishme, as 100 delegatë nuk ishin, që i bie një e dhjeta. Është kërkuar që të prishej ky lloj takimi, por ne jemi dibranë, shqiptarë e nuk u morën me të, sepse ne kemi shumicën.

Edhe në Dibër vazhdojnë historitë me bravat e dyert, por t?ua mbyllësh demokratëve dyert e partisë së vet, vetëm PD-së nuk i shërben. Një njeri që nuk ikën pasi është shkarkuar me votë masive, i bie që mos jetë demokrat e ky është Basha, e kur vepron kështu bën që demokratët të kalojnë ndoshta edhe në veprime të padëshiruara?, deklaroi Krosi./E.K-CNA.al





Lajmet e fundit nga