web counter
LEXO PA REKLAMA!

SHKARKO APP

App Store
Google Play

Skandali i pagave/ Basha: Shteti i rrënuar deri në tullën e fundit, i kapur nga korrupsioni

29 Dhjetor 2021, 14:26, Politikë CNA

Kryetari i shkarkuar i PD, Lulzim Basha ka deklaruar se skandali me publikimin e të dhënave tregoi se si është katandisur Shqipëria nën sundimin e paligjshëm të kryeministrit Edi Rama.

Gjatë fjalës së tij në një takim me demokratët në Dibër, Basha u shpreh se ky skandal tregon se shteti është i kapur nga të korruptuarit dhe se ky vend nuk ka më qeveri.

Ndër të tjera Basha shton se shteti është rrënuar deri në tullën e fundit.

?Të gjitha këto halle, probleme, dhimbje të përditshme të shqiptarëve, janë bërë edhe më të rënda nga pandemia, e cila na ka marrë nga gjiri familjeve tona dhjetëra, mijëra prindër dhe të afërm. Shumë më shumë sesa vendet fqinje. Ka goditur dhe ka futur në borxh qindra, mijëra familje shqiptare. Sepse ky vend nuk ka qeveri. Sepse ky vend nuk qeveriset. Ky vend nuk ka qeveri sepse në krye ka një bandë e cila paktin nuk e ka me qytetarët. Ka një njeri të ulur në karrigen e kryeministrit që nuk ka hallin e njerëzve. Nuk qeveriset sepse anembanë vendit, nuk ka shtet. Nuk është një shtet i korruptuar dhe i kapur, por është një shtet i kapur nga të korruptuarit. Një shtet që siç e pamë javët e fundit është rrënuar deri në tullën e fundit. Zbulimi i të dhënave personale të qytetarëve, na tregoi në disa rrafshe se ku është katandisur Shqipëria nën sundimin e paligjshëm të Edi Ramës dhe një grushti pushtetarësh e oligarkësh, e kriminelësh me të cilën mban paligjshmërisht pushtetin e shqiptarëve?, shprehet Basha?, tha Basha./ CNA.al





Lajmet e fundit nga