E fundit!

12:01 Aktualitet

“Jam një i vdekur që ecën”/ Zbardhet dëshmia e Pëllumb Gjokës në GJKKO për dosjen “Metamorfoza”

Këtë të enjte ka dëshmuar në Gjykatën e Posaçme një nga sh...

“Rithemelimi i PD, është mision historik”

29 Dhjetor 2021, 13:50, Politikë CNA

Genc Deromemaj, Kryetar i Partisë Demokratike Vlorë, i ka drejtuar një mesazh demokratëve, me rastin e 31-vjetorit të themelimit të degës së PD, në Vlorë.

Në një postim në rrjetet sociale, Deromenaj e cilëson si mision historik rithemelimin e PD.

Ai thekson se demokratët duhet të jenë të bashkuar.

?Të nderuar Demokratë!

I nderuar Dr. Berisha!

Sot është një ditë e shënuar për PD Vlorë! Është 31 vjetori i Themelimit të saj.

I Partisë që solli Lirinë dhe Demokracinë në këtë vend! I Partisë që solli Shpresën dhe Zhvillimin tek Shqiptarët dhe Shqipëria!

Ishte një Mision Historik që Partia Demokratike e morri përsipër dhe e kreu me sukses!

Ndaj në këtë përvjetor, në emrin tuaj, ju përulemi emër për emër, të gjithë atyre nismëtarëve të Dhjetorit ?90 që themeluan degën e Vlorës;

I atyre që thyen frikën dhe morrën pjesë në mitingun e parë të 6 Janarit ?91 në Sheshin e Flamurit ndërmjet të cilëve ishte dhe Prof. Dr. Sali Berisha;

I qëndrestarëve të vitit 1997;

Të gjithë Demokratëve të thjeshtë që nuk e kanë braktisur PD edhe në ditët e saj më të vështira, por edhe kur disa prej nesh morrën pushtet dhe i harruan ata!

Sot, pas 31 vjetësh, PD është përsëri përpara një sprove të madhe, në fillim me veten e më pas me Shqiptarët e Shqipërinë!

Sot ne duhet të jemi më të bashkuar se kurrë, paçka se disa brenda nesh, atje lart, na duan të përçarë e si plaçkë opozitare të shitur tek një grup njerëzish që duan vetëm pushtet personal!

Sot të dashur Demokratë, është Mision Historik Rithemelimi i PD!

Rikthimi i saj tek demokracia e brendshme dhe vendimmarrja e bazës!

Sot e gjithë shoqëria shqiptare në të gjitha aspektet e jetës së saj ka nevojë të madhe për demokraci, vendimmarrje e garë përmes votës reale, sepse të gjitha këto po kufizohen çdo ditë e më shumë!

PD duhet dhe do ti përcjellë këto vlera në të gjithë shoqërinë shqiptare!

Rruga jonë është e vështirë, por idealet e guximi i 31 viteve më parë le të na shërbejnë si shembuj pozitiv se gjithçka arrihet kur ke mbështetje zemrat e ndjenjat e zjarrta demokrate!

Gëzuar Datëlindjen PD Vlorë?-shkruan Deromenaj./CNA.al