E fundit!

16:01 Aktualitet

Deklarata skandaloze e ministres serbe/ PD: Të shpallet "non grata" dhe të paditet për nxitje të gjenocidit

Partia Demokratike ka reaguar lidhur me deklaratën e minis...

Zoti Kryeministër, paga 30.000 lekë kërkon hetim tatimor

29 Dhjetor 2021, 14:15, Politikë CNA

Kryeministri Rama ka ca muaj që ju jep lajmin shqiptarëve duke deklaruar që do reformojë skemën e pagesës së sigurimeve shoqërore. I ka siguruar të gjithë që pas Vitit të Ri nuk do ketë më paga nën 40.000 lekë.

40.000 lekë do jetë paga minimale premtoi Kryeministri! Askush nuk ka parë sa fake janë listëpagesat me rroga 30.000 lekshe!

Kush ia ka bërë gati Ramës këtë lajmin e pagës minimale 40.000 lekë, i ka parë ndonjëherë këto listat që dolën sheshit? Ekspertet e tatimeve të rilindjes dinë të lexojnë dhe analizojnë listëpagesa? Tani letrat u hapën!

Të gjithë panë skandalin e abuzimit me deklarimin masivisht të pagave 30.000 lekëshe!

Bizneset ishin marrë vesh që nëse nuk donin të deklaronin pagat reale, minimumi i deklaruar do ish “paga” 30.000 lekë! Tatimorët tashmë nuk kanë nevojë për autorizim të aksesit në databazën e pagave! Po lajmi i Ramës kush ish? Apo ky ishte plani!? Do nxirrte gjithë rrogat që të na siguronte që rroga nën 30.000 lekë nuk ka!

Që pastaj të na gëzonte me rritjen 10.000 lekë të qindra shumave fiktive 30.000 lekshe. Po reforma ku mbeti? Apo kjo ishte reforma!? Transparenca e gjithë rrogave ku janë e ku s’janë!?

Kush ia shtiu në mend Kryeministrit që të na shkepte me premtime për reformën e pagës minimale 40.000 lekë? U tall Kryeministri me ne, apo janë tallur paq me Kryeministrin gjithë mentorët e financave të shtetit?

Tani që i pamë pagat e gjjthë dynjasë, të të afërmve, të miqve dhe sidomos të armiqve të gjithsecilit, ç?do bëhet me reformën e Ramës? Mbase duhet ta rishikojë pak atë shifrën 40.000 lekë për pagën mininale! Mbase nuk mjafton që të gjithë ato shifrat 30.000 mijëshe fallco, fup të bëhen si me magji 40.000 lekë fallco. Mos ja çoni dëm reformën Kryeministrit!

Shpikni edhe ndonjë fjali tjetër përveç “do rritet paga minimale deri me 40.000 lek.

Vetëm kujdes. Gjeni fjali që nuk ju prishin qejfin punëdhënësve të mëdhenj të pagave 30.000 lekshe.Për ta mjafton që tatimet, si edhe më parë të mos e dallojnë dot anomalinë e listëpagesave që dalluan gjithë shqiptarët.

Mjafton që Kryeministri të gjejë atë qerratain që shpërndau bazën e të dhënave. Atë qerratain që me sa duket e paska shpërndarë bazën e të dhënave (per parcondicio) tek të gjitha forcat kryesore politike. E këto pastaj pasi e kanë marrë e kanë shfrytëzuar secila për hallin e vet.

Njëra për patronazhistë, njëra për presion e tjetra për scoop. Ramës duhet t’ja pezantojë dikush atë qerratain që sot gjithë shqiptarët po e urojnë: të lumtë dora!/ CNA.al