web counter
LEXO PA REKLAMA!

SHKARKO APP

App Store
Google Play

E fundit!

x

Anti-Kuvendi i Lulzimit të shkarkuar/ Demokratët, nesër “vijë të kuqe” Bashës

17 Dhjetor 2021, 13:53, Politikë CNA

Anti-Kuvendi i thirrur nga Lulzim Basha, ka ndezur demokratët të cilët kanë vendosur që me 11 dhjetor të mos jetë më kreu i PD.

Nesër pritet ta zyrtarizojnë shkarkimin e Bashës, me anë të një referendumi, ku do të shprehen demokratët cep më cep të Shqipëri.

I shkarkuari Basha, i cili ka mbetur pas dyerve, duke iu ndërruar bravat, i braktisur po bën të pamundurën për të mos dalë nga selia e PD-së.

Në këto rrethana, grupimi për ndryshimin e PD-së po përpiqet që t?i qetësojë demokratët, që të jenë gjakftohtë, të mos përfshihen dhe të mos bien ne kurthin e Lulzim Bashës, i cili po kërkon të shpëtojë veten me mbajtjen e një anti-Kuvendi.

Me qindra militantë nuk përmbahen dhe duan të shkojnë t’ia thonë në sy Bashës se kush janë demokratët e vërtetë dhe kush jo.

T?ia thonë në sy dështimet dhe humbjet e tij në këto tetë vite. Se si i braktisi dhe i la në mes të rrugës, duke u futur në pazare me kryeministrin Edi Rama.

Ndaj thirrja që shkon për këta qindra militantë të PD-së, nga grupimi për ndryshimin e PD-së, është qetësi dhe durim deri në përfundim të referendumit.

Zëri i tyre, do të dëgjohet nëpërmjet votës së tyre.

Vota e tyre do të ndëshkojë Lulzim Bashën, për të gjitha talljet që ai ka bërë me ta përgjatë këtyre viteve, duke filluar nga çadra, marrëveshja e 17 Majit, gënjeshtrat me protesta, apo dhe për dhurimin e pushtetit vendor më të dyja duart Edi Ramës, pa harruar këtu edhe mandatin e tretë që ia dha me 25 Prill./E.S-CNA.al





Lajmet e fundit nga