Bushati lë me gisht në gojë Bashën/ Paloka zbradh prapaskenat e bisedës në zyrë

17 Dhjetor 2021, 12:24, Politikë CNA

Analisti Andi Bushati, ka patur një përplasje të fortë me kryetarin e shkarkuar Lulzim Bashën në emisionin “Open”.

Bushati ia tha në sy të vërtetën Bashës, përsa i përket shpalljes “non grata” të Sali Berishës.

Sipas analistit, shpallja ?non grata? e Berishës ishte për të shpëtuar zgjedhjet që vodhi Edi Rama. Bushati e cilësoi Bashën si hallkën më të dobët të opozitës, i cili firmosi dëshirën e Edi Ramës.

?Nuk ka njeri me dy pare tru në kokë që të kuptojë që u shpallka Sali Berisha, që unë kam pas 1000 mëkate më shumë se ju, 8 vjet më pas të kujtohen të shpallin ?non grata? Sali Berishën dhe njerëzit që kanë vjedhur me firma kompanish amerikane, njerëzit që kanë vjedhur me chekup, me koncesion, dalin përditë para shqiptarëve në fotografi me Yuri Kimin dhe kujtohen këta që Sali Berisha qenka e keqja e këtij vendi, sepse korrupsioni dënoka Amerikën, jo.

Sali Berisha nuk ka një problem personal. Sado që unë do jem armik i Sali Berishës derisa të ketë jetë ai. Nuk ka problem personal. Sali Berisha është goditur për të goditur Partinë Demokratike dhe opozitën në këtë vend, pasi kishin vjedhur zgjedhjet dhe ju u bëtë masha që firmosi planin e goditjes të opozitës. Kjo është histori reale.

Nuk ka shqiptarë që beson që do dënonin korrupsionin Yuri Kim me atë gjysmë serbin se iu dhimbte korrupsioni në Shqipëri dhe do dënonin Sali Berishën. Ja ku e kishin Edi Ramën po të dënonin korruspionin në këtë vend. Jo por për të shpëtuar zgjedhjet që vodhi Edi Rama donin Sali Berishën ?non grata? dhe gjetën hallkën më të dobët të opozitës, Lulzim Bashën që firmosi dëshirën e Edi Ramës Kjo është historia e vëretët që i duhet treguar njerëzve?, tha Andi Bushati.

Pasi kjo deklaratë e Bushatit u bë virale në rrjetet sociale, ka reaguar deputeti i PD Edi Paloka.

Përmes një statusi ai zbardh bisedën në zyrë me Bashën, ku tregon se i tha Bashës se, shpallja “non grata” e Berishës nuk është vendim kundër Berishës por një veprim kundër tij si kryetar i PD.

?Shoh që është bërë virale një video e Andi Bushatit me Bashën. Të gjithë ata që nuk e kanë pëlqyer të vërtetën që ka thënë Bushati, i janë sulur jo asaj çfarë ka thënë , po prejardhjes së tij familjare (megjithëse gjithë këto vitet e fundit deri me 25 prill kur Bushati mbështeste Bashën, prejardhja e tij ishte e njëjta)!

Në fakt atë që ka thënë mbrëmë Bushati, unë ja kam thënë Bashës në zyrën e tij , ditën që u shpall publikisht ?non grata? e Berishës. I kam thënë tekstualisht : ? Ky nuk është një vendim kundër Berishës . Ky është vendim kundër teje si kryetar i PD. Është kundër ne të gjithëve , që të ulim kokën e Rama të rri i qetë!?. Atë ditë dhe Basha ishte dakord me mua dhe në fakt qëndrimi i tij i parë ishte i drejtë dhe nuk ndryshonte nga ai i Berishës ; më sillni prova , të mbaj qëndrim ?. Prova nuk ju dhanë kurrë as atij as dikujt tjetër, por Basha ndryshoi qëndrim , siç është shprehur vetë, nën kërcënim!

Më tej, pasi Basha shpalli largimin e Berishës nga grupi, ja kam kujtuar çfarë i kisha thënë , duke i shtuar se kështu ?i shkove pas fijes atyre qe duan shkatrrimin e PD?. Sigurisht ai nuk e pranoi këtë, por rezultati është i qartë sot!?, shkruan Paloka./ A.E-CNA.al