web counter
LEXO PA REKLAMA!

SHKARKO APP

App Store
Google Play

Çështja Toyota Yaris/ Artan Hoxha: E di kush ja ka dhënë informacionin Bashës

2 Dhjetor 2021, 20:21, Aktualitet CNA

Gazetari Artan Hoxha ka folur mbrëmjen e sotme për çështjen e Toyota Yaris, një nga më të diskutuarat në arenën politike. Në një reagim për media, Hoxha tha se personi që ja ka dhënë informacionin Lulzim Bashës, ia ka dhënë në mirëbesim, por shton se kreu i PD e ka keqpërdorur.

Hoxha shtoi se kjo histori është keqmenaxhuar nga autoritetet e vendit tonë.

?Kam përshtypjen se ne kemi pasur një histori e cila është menaxhuar në mënyrë të keqe nga autoritetet tona. Është një histori që qëllimi do të ishte zbulimi i dërguesit të parave, nga e dinin përpara se operacioni të finalizohej se paratë po vinin me mjetet Toyota Yaris dhe se shuma ishte miliona euro.

Unë kam informacion që ma ka konfirmuar edhe zoti Basha por ajo do të dëmtonte njerëz që nuk janë përfshirë nga autoritetet tona.Do bëja të njëjtën gjë që po bën zoti Basha. E di nga e ka marrë info Basha dhe i është dhënë në mirëbesim. Mënyra se si e përdori është tjetër gjë. Sot kemi vetëm një të dënuar. Dhe ato para i kanë kaluar shtetit shqiptar. Erdhi një shtetas gjerman dhe tha se paratë janë të miat po se kush e solli këtë gjerman askush nuk e di?, tha Hoxha./CNA.al





Lajmet e fundit nga