web counter
LEXO PA REKLAMA!

SHKARKO APP

App Store
Google Play

E fundit!

x

Ulje temperaturash/ “Surprizat” e motit gjatë fundjavës

2 Dhjetor 2021, 18:36, Aktualitet CNA

Ditën e nesërme, vendi ynë do të jetë në ndikimin e motit të paqëndrueshëm i cili do të sjelli reshje shiu në ultësirën perëndimore, ku herë pas here do të jenë dhe në formë rrebeshi.

Ndërsa zonat malore veriore dhe skaji Juglindor i territorit Shqipëtar do të përfshihen nga reshjet e dëborës. Temperaturat e ajrit do të vijojnë të rriten në mëngjes dhe në mesditë duke luhatur vlerat ditore nga 1°C deri në 18°C.

Sipas Meteoalb, era do të fryjë mesatarisht me shpejtësi 65 km/h nga drejtimi Jugor duke krijuar në det dallgëzim 5 ballë.

Ndërsa e shtuna do të mbetet në ndikimin e masave ajrore të paqëndrueshme të cilat do të sjellin reshje. Parashikohet që në zonat bregdetare dhe të ulëta të kemi reshje shiu, ku në intervale të shkurtra kohore do të jenë në formë rrebeshi në zona të izoluara. Ndërsa verilindja dhe juglindja e vendit tonë do të jenë më reshje dëbore.

Temperaturat e ajrit do të ulen në mëngjes dhe ndjeshëm në mesditë duke luhatur vlerat ditore nga -1°C deri në 14°C.

Era do të fryjë mesatare deri e fortë me shpejtësi 50 km/h nga drejtimi Verior Veriperëndimor duke sjell në brigjet detare dallgëzim 4 ballë.

E diela do të dominohet nga vranësirat. Veriu i Shqipërisë mbetet në prezencën e dëborës, po ashtu me reshje shiu do të paraqitet pjesërishtë zona Qëndrore dhe Jugperëndim. Ndërsa Jugulindja territorit do të jetë kryesisht nën dominimin e vranësirave të cilat nuk do të sjellin reshje.

Temperaturat e ajrit do të mbeten kostante në mëngjes, por do të rriten në mesditë duke luhatur vlerat ditore nga -1°C deri në 17°C..

Era do të fryjë mesatare dhe e fortë me shpejtësi mbi 60 km/h nga drejtimi Jugor duke sjell në brigjet detare dallgëzim mbi 5 ballë./ CNA.al





Lajmet e fundit nga