web counter
LEXO PA REKLAMA!

SHKARKO APP

App Store
Google Play

Liri Berisha: E kam njohur Nënë Terezën në moshën 15 vjeçare, si vajza me emrin Gonxhe

2 Dhjetor 2021, 18:22, Aktualitet CNA

Bashkëshortja e ish kryeministrit Sali Berisha, Liri Berisha ka treguar se e ka njohur Nënë Terezën në moshën 15 vjeçare, si vajza me emrin Gonxhe.

E ftuar në emisionin ?Rudina? në TV Klan teksa rrëfente mbi librin e saj ?Nënë Tereza në jetën time?, Liri Berisha ka treguar se e ka njohur Nënë Teerzën në një kohë që në Shqipëri nuk flitej asnjë fjalë për të.

“E kam njohur Nënë Terezën në moshën 15-vjeçare,e kam njohur atëhere si vajza me emrin Gonxhe, në një kohë kur nuk dija se çfarë shkruanin gazetat e huaja për të, kur në Shqipëri nuk flitej asnjë fjalë, nuk e njihte askush. Në thellësinë time, më çonte emri i saj tek familja dhe origjina e saj, për të cilën kisha dëgjuar të flitej me shumë nderim për atë familje.

Pastaj në rrugën e Kavajës ka qenë një shtëpi ku banonte motra dhe nëna e Nënë Terezës. Ne shkonim shpesh atje, aty kam njohur nënën dhe motrën e saj dhe më bënte shumë përshtypje si në familjen tonë diskutohej për ato zonjat me një lloj nderimi dhe keqardhjeje.

Një ditë, kur e pyeta mamin, kush janë ato dy gra, ajo më tha që nuk janë gra, por zonja. Atë kohë ishte e ndaluar fjala zonjë, ishte shoqe e lejuar. Pastaj më tregoi historinë e familjes së saj, për Nënë Terezën dhe si i ishte përkushtuar një misioni në Indi./ CNA.al

 





Lajmet e fundit nga