Deputeti socialist merr kompetencat e Lulzim Bashës/ "Krye-opozitari" i ri, që fik kreun e PD

2 Dhjetor 2021, 11:11, Aktualitet CNA

Jo vetëm Gazment Bardhi i zë vendin Lulzim Bashës, edhe pse një situatë e tillë është pak e kuptueshme, por të zëvendësohet edhe nga Erion Braçe, është diçka tjetër.

Lulzim Basha edhe kur është në Kuvend, është thuajse i fikur dhe sa për formë.

Rolin e tij prej disa kohësh e ka marrë deputeti socialist Erion Braçe, i cili herë pas here sulmon dhe akuzon Qeverinë më shumë se sa Lulzim Basha.

Të njëjtën gjë, Braçe ka bërë edhe sot në Kuvend, ku është shfaqur i rebeluar.

Ai ka lëshuar akuza jo vetëm ndaj deputetëve por edhe ndaj Qeverisë, duke iu referuar situatës Covid.

Nuk është mjaftuar me kaq deputeti që ankohet se ka një zyrë të mbushur plot me dosje. Ai i është ?sulur? Ministres së Shëndetësisë, Ogerta Manastirliu.

?Pas gati 2 vjetësh në pandemi dëgjova këtu një autoritet të Shëndetësisë me gjysmë zëri të thotë se nuk jemi mirë.

Natyrisht në vendet e Europës edhe me numrin e lartë të vaksinuarve janë në alarm pasi përballen me virale të reja.

Një pjesë e tyre e shohin si diçka që mund t?i kthejë 1 vit e gjysmë mbrapa.

Për mendimin tim, dy gjëra mund të bëhen për të pasur nën kontroll këtë pandemi. Masat dhe vaksinimi. Do doja të flisja për të dyja.

Së pari, natyrisht që numri i infektimeve herë është i qëndrueshëm dhe herë ka kolpo. Ka kolpo kur nuk respektohen masat.

Sot që flasim të sëmurë active kemi të deklaura 6694 ndërkohë që në 10 ditët e fundit kemi 66 humbje jete?, ka thënë Braçe.

Më tej Braçe është ndalur tek statistikat Covid, duke akuzuar sërish Qeverinë, e cila nuk shqetësohet për numrin e humbjeve të jetës.

?Në 1 muaj kemi 170 humbje jetësh. Pa më të voglin diskutim që cdo humbje jete është e dhimbshme dhe duhet të shqetësojë.

Kaq shumë vdekje në një muaj duhet të shqetësojë Qeverinë më së shumti dhe Kuvendin. U është dhënë mundësia që të vaksinohen falas por ose e refuzojnë ose e neglizhojnë?, ka thënë Braçe.

Qeveria është në kaos, sipas tij edhe sa u përket masave anti-Covid.

?Masat. Me të thënë të drejtën bëra një kontroll në ubsitet e qeverisë për të parë masat e vendosura.

Ka një kakofoni të gjitha akteve që ndodhen online në faqen e qeverisë apo diku tjetër.

Por më e rënda është ajo që masat nuk zbatohen më.

Qëparë pashë kryeministrin dhe disa ministra në sallë pashë vetëm disa deputetë dhe po të shkosh tek klubi këtu afër sheh që tymi i cigares, i mbron nga Covid?, ka thënë më tej Braçe./CNA.al