web counter
LEXO PA REKLAMA!

SHKARKO APP

App Store
Google Play

E fundit!

x

Gjergji Vurmo kritika të ashpra BE-së/ “Vetoja bullgare dha goditjen përfundimtare”

2 Dhjetor 2021, 19:12, Aktualitet CNA

Përfaqësuesi i Institutit për Demokraci dhe Ndërmjetësim, Gjergji Vurmo deklaruar se vetoja bullgare i ka dhënë goditjen përfundimtare politikës së zgjerimit.

I ftuar në emisionin ?Debat? me Alba Alishanin në A2CNN, ai theksoi se qasja e BE-së ndaj rajonit më shumë e ka dëmtuar përpjekjen tonë për të ndërtuar demokracinë, sesa ka ndihmuar.

?Unë mendoj se nuk ka më rëndësi rigjallërimi i politikës së zgjerimit. Rasti i Malit të Zi dhe i Serbisë ka treguar që sa më shumë kapituj që të hapen, nuk do të thotë se vendi bëhet më demokratik. 

Në këtë kuptim, prandaj i jap të drejtë kryeministrit Edi Rama që as nuk ka komentuar në lidhje me lajmin se Bullgaria ka propozuar hapjen e negociatave me Tiranën, por jo me Shkupin.

Vetoja bullgare i ka dhënë goditjen përfundimtare politikës së zgjerimit. Unë jam mbështetës i zgjerimit të BE-së, por nëse shohim 10-vjeçarin e fundit, qasja e BE-së ndaj rajonit më shumë e ka dëmtuar përpjekjen tonë për të ndërtuar demokracinë, sesa ka ndihmuar. 

Politika e zgjerimit ka nevojë për një ridimensionim total. Duhet një politikë që bazohet në nevojën për të demokratizuar shoqëritë në Ballkanin Perëndimor dhe për të mbështetur zhvillimin ekonomik të tyre?, tha Vurmo./CNA.al





Lajmet e fundit nga