E fundit!

08:42 Politikë

Mblidhet sot Këshilli Kombëtar i PD-së/ Pritet zgjedhja e Sekretarit të Përgjithshëm, nënkryetarëve dhe strukturave

Partia Demokratike vijon procesin e riorganizimit të brend...

Denaj për Paketën Fiskale/ ”Nuk vjen në kontekstin e ndihmës, favorizon individët”

25 Nëntor 2021, 19:45, Ekonomi CNA

Ish-ministrja e Financave dhe Ekonomisë, Anila Denaj deklaroi se Buxheti i vitit 2022, i cili u miratua në Kuvend do të ndihmojë në rritjen ekonomike, nxitjen e punësimit dhe shumë elementë të rëndësishëm të jetës së përditshme.

E ftuar në emisionin ?Radar Informativ? me Jonida Shehun në ABC News, ajo theksoi se paketa fiskale favorizon individët dhe nuk vjen në kontekstin e ndihmës.

?Është një buxhet që ndihmon rritjen ekonomike, nxitjen e punësimit dhe shumë elementë të rëndësishëm të jetës së përditshme.

Buxheti konsolidon rindërtimin dhe vijon më tej me fokusin te shëndetësia. TVSH nuk është pjesë e kostos në produktin final. Dikton një marrëdhënie të ndryshuar të fermerit me grumbulluesin.

Paketa fiskale nuk duhet patjetër të kënaqë një palë. Është produkt i një politike që nuk duhet të lejojë lehtësi. Të zëvendësohet aty ku duhet për zhvillimin ekonomik me subvencione.

Ne jemi konsistentë në debatin mes kolegëve që në 2019. Paketa fiskale nuk është paketë që domosdoshmërisht vjen në kontekstin e ndihmës.

Në vite ka qenë e tillë dhe ne prandaj kemi diskutuar, një strategji afatmesme janë analizuar të gjithë sektorët. Ndihma ka politika të tjera që i bën ministria e bujqësisë. Kushtet janë të tilla që nuk lejojnë automatizimin e proceseve.

Nëse paketa fiskale vendos barazi dhe duhet të vendosë për të gjithë sektorët duhet të ndihmojë dhe të rrisë cilësinë. Ka elementë të caktuar që ndikohen në mënyrë të drejtpërdrejtë cilësinë e produktit.

Produktet të caktuara kanë një masë të lejuar të një produkti që e vendosin në etiketë. Kur flasin për paketë fiskale duhet të shikojmë sesi nxitet skema. Këto skema që lidhen me lehtësinë të fillojnë të reduktohen.

Ka edhe sektorë të tjerë që kanë lehtësi fiskale, por gradualisht duhet të shikojnë produktivitetin e tyre. Ne kemi individët. Në këtë paketë fiskale janë shumë të mbrojtur, madje janë të lehtësuar. Kemi shumë individë me rroga të larta që nuk deklarohen si rrogtarë, por të vetëpunësuar. Sistemi kur fillon me lehtësia krijon këto xhepa”, tha Denaj./CNA.al