Hoxha-Blushi në dosjet e SPAK?!/ Hetimet për aferat me inceneratorët duhet të shtrihen edhe në media

26 Tetor 2021, 11:17, Aktualitet CNA

CNA.al me dokumente ekskluzive dhe zyrtare ka mundur të zbërtheje skemën e plotë të koncesionit të inceneratorëve në Shqipëri, që fillon me 22 milion euro në Elbasan, 28 milionë euro në Fier, dhe 128 milionë euro në Tiranë.

Një dosje e tërë me dokumenta dhe kompani dyshohet se pronarët e këtyre koncesioneve janë të përfshirë në ortakëri me pronarë e drejtues mediash, dokumente zyrtare janë publikuar nga CNA.al, ditë pas dite.

Njerëzit që fshihen pas inceneratorëve nëpërmjet një skeme, e denoncuar nga pak media, por edhe nga opozita pjesërisht, kanë lidhje të forta mediatike.

Ata janë shtetasit Klodian Zoto, Mirel Mërtiri dhe bashkëjetuesja e këtij të fundit Stela Gugallja, të cilët rrugës kanë depërtuar edhe në ortakëri me media, si në rastin e Top Channel, apo duke sponsorizuar shumë televizione dhe portale nga më kryesoret në vend.

CNA.al ka zbardhur lidhjet e treshes së inceneratorëve me një pronaren e Top Channel Vjollca Hoxha dhe ish politikanin, aktualisht drejtues i këtij televizioni, Ben Blushin.

Janë dy kompani të cilat tregojnë qartazi, se aksionerja e Top Channel, Vjollca Hoxha është ortake me pronarët e kompanive që kanë marrë me koncesion, inceneratorët në Shqipëri.

Një kompani e themeluar në Bullgari, ku ortakë janë Mirel Mërtiri, Klodian Zoto dhe Eva Blushi, bashkëshortja e drejtorit të Top Channel, Ben Blushi.(Lexo këtu)

Më pas kjo kompani vjen në Shqipëri dhe blen 51% të aksioneve të Lori Kafe, e cila mban emrin tregtar Valtelina Kafe, dhe që ?rastësisht? ka të njëjtët pronarë me Top Channel.(Lexo këtu)

Në këtë kompani aksionerë janë Vjollca Hoxha, Ben Blushi, dhe Stela Gugallja. Kjo e fundit personazhi që siguroi kontratën 22 milionë euro të koncesionit të Inceneratorit të Elbasanit. (Lexo këtu)

Pronarja e Top Channel është ortake, me pronarët e inceneratorëve, këta marrin para nga taksapaguesit shqiptarë dhe me këto para sponsorizojnë media, për t?u ?mbrojtur? publikisht.

Tashmë e gjithë kjo skemë është publike dhe SPAK e ka mjafdt të lehtë ta hetojë mjafton vullneti i organeve përkatëse.

Kreu i SPAK, Arben Kraja, në një përgjigje zyrtare për CNA.al, saktëson se çfarë po ndodh me aferën e inceneratorëve dhe cili është objekti i hetimeve.

Struktuara e Posaçme Antikorrupsion ka vënë nën hetime aferat me inceneratorët, pronarët e të cilëve janë në ortakëri në kompani të tjera me pronaren e Top Channel, Vjollca Hoxha dhe ish politikanin, aktualisht drejtues i Top Channel, Ben Blushi.

Hetimet kanë nisur për inceneratorin e Fierit dhe për inceneratorin e Tiranës.

?Ju konfirmojmë se SPAK, po kryen hetime në kuadër të procedimit penal nr.187 të vitit 2020, në lidhje me kontratën koncensionare me objekt ? Dhënia me koncension e ndërtimit dhe Administrimit të Impiantit të Trajtimit të Mbetjeve Urbane, Fier?, për veprat penale ?Shpërdorimi i detyrës? dhe ?Shkelja e barazisë në tendera apo ankande publike?, parashikuar nga nenet 248 dhe 258 të Kodit Penal.

Po ashtu SPAK, po kryen hetime në kuadër të procedimit penal nr.255 të vitit 2020, në lidhje me kontratën koncensionare me objekt ?Dhënia me koncension e ndërtimit të landfillit, inceneratorit dhe reahabilitimi i vend depozitimeve ekzistuese në Tiranë?, për veprat penale ?Shpërdorimi i detyrës? dhe ?Shkelja e barazisë në tendera apo ankande publike?, parashikuar nga nenet 248 dhe 258 të Kodit Penal?, thuhet në përgjigjen e Prokurorisë së Posaçme Antikorrupsion, të firmosur nga Arben Kraja.

Sipas të njëjtit për këto dy procedime penale hetimet vazhdojnë ende, dhe në ruajtje të sekretit hetimor, nuk mund të bëhen publike më shumë detaje.

Në fakt, dokumentat kompromentuese, ekzistojnë dhe janë të shumtë, dhe SPAK e Arben Kraja, kanë si kurrë më parë prova për të bërë drejtësi nëse duan, në rastin e inceneratorëve, pavarësisht se kush janë të përfshirë cilët janë mbrojtësit e tyre publikë apo ortakët mediatikë si Vjollca Hoxha, Ben Blushi, treshja e ortakëve Klodian Zoto, Mirel Mërtiri, Stela Gugallja apo edhe të tjerë të ndonjë rangu më të lartë./CNA.al

Skema korruptive e inceneratorëve në Shqipëri/ Kompania koncesionare pranon skandalin

Faktet/ Vjollca Hoxha, si ortake e pronarëve të inceneratorëve

Ekskluzive/ Dalin hapur, Ben Blushi, Vjollca Hoxha dhe pronarët e inceneratorëve themelojnë kompani në Tiranë

Ekskluzive dokumentet/ Klodi i inceneratoreve dhe Ben Blushi, blejnë ?Lori Kafe?

Ekskluzive dokumenti/Zbulohet ortakëria e Klodit të inceneratorëve me Ben Blushin

Dokumentet ekskluzive-Si u garantuan 128 milion euro/ Skema korruptive e inceneratorit të Tiranës, emrat dhe kompanitë e përfshira

Dokumentet ekskluzive-Skandali me inceneratorin e Fierit/ Si u zhvatën dhjetëra milion euro nga taksat e shqiptarëve

Dokumentet ekskluzive-Skandali me tenderin e inceneratorit/ Kompania fituese pa asnjë aktivitet biznesi, shkeljet proceduriale