web counter
LEXO PA REKLAMA!

SHKARKO APP

App Store
Google Play

Helmimi masiv në Krujë/ Zv.drejtori i ISHP-së: Depot e ujit janë në rrezik

26 Tetor 2021, 19:25, Aktualitet CNA

Dritan Ulqinaku, nëndrejtor i Institutit të Shëndetit Publik shprehet se për helmimin masiv në Krujë ende nuk ka një përfundim zyrtar edhe pse të dhënat e para flasin për prani të amoniakut në ujë.

Z. Ulqinaku u shpreh se ?nuk është e thënë që duhet të lidhim pasojën me shkakun? duke nënkuptuar se helmimi mund të ketë ardhur nga uji por kjo gjë nuk është shkaktuar vetë Ujësjellësi por mund të jenë faktorë të tjerë të jashtëm.

Nisur nga kjo, zv.drejtori i ISHP-së theksoi nevojën për të garantuar sigurinë e depove të ujit në mënyrë që të mos vihet në rrezik jeta e qytetarëve nga ndërtimi i objekteve pranë burimit të ujit.

?Faktikisht dua tu them që Shqipëria ka toleruar disa aspekte që nuk duhet të ekzistonin. E kam fjalën tek mbrojtja që u bëhet depove të ujit në të gjithë vendin. Në kohën e komunizmit ishin të sigurisë që parë dhe ruhej nga ushtria?, tha ai në emisionin ?Now? me Erla Mëhillit.

Prezenca e amoniakut, shtoi ai, nuk lidhet me sasinë e lartë të klorit në ujë por mund të ketë ardhur nga faktorë të jashtëm.

?Sot nuk ekziston dhe afër depove ka objekte të tjera që shkaktojnë tek këto depo pasoja në raste të reshjeve dhe rrjedhimisht shkaktojnë pasoja në ujë. Nuk mund të them se është dhe ky rasti në Krujë sepse nuk kam qenë por në shumë raste ka rezultuar një gjë e tillë?, përfundoi Ulqinaku./euronews





Lajmet e fundit nga