web counter
LEXO PA REKLAMA!

SHKARKO APP

App Store
Google Play

Ish-deputeti i PS flet për rritjen e çmimeve/ “Nuk jetojnë të gjithë vetëm me bukë tani”

2 Tetor 2021, 17:03, Aktualitet CNA

Ish-deputeti socialist, Ervin Bushati, që tashmë ka marrë një detyrë të rëndësishme për të drejtuar Postën Shqiptare iu është përgjigjur akuzave të opozitës për rritjen e çmimeve të shportës së ushqimeve, duke e mohuar rritjen e të gjitha çmimeve.

I ftuar në News 24, Bushati tha se sa i përket rritjes së çmimit të miellit, nuk jetojnë të gjithë vetëm me bukë dhe se inflacioni është 2.4%.

?Të vijmë tek çmimet e shportës. Është e vërtetë që në botë janë rritur çmimet e ushqimeve me 60%, është një rritje shumë e madhe. Për arsye të bllokimeve, logjistikës e transportit prej COVID-it, për shumë arsye të ndryshme. Është rritur dhe energjia gati me 30-40%, nafta dhe gazi shumë në Europë. Të gjitha këto bëjnë që struktura e çmimeve të rritet.

Në Shqipëri është rritur çmimi i miellit. Mielli tregtohet në bursë, nuk është rritur aq shumë sa mund të jetë rritur në vende të tjera, e kuptoj që është një diskutim që bëhet dhe që merret si referencë, por ndërkohë që çmimet dhe inflacioni në Shqipëri është rritur vetëm 2.4%. Mund të jetë rritur një produkt. 

Me gjithë respektin nuk jetojnë të gjithë vetëm me bukë tani dhe nuk është vetëm?Çmimet e tjera nuk janë rritur. Produktet bujqësore, kemi në krahun tjetër bujqit dhe fermerët dhe tregtarët që thonë se çmimet janë shumë të ulëta dhe nuk na del. Nuk janë rritur të gjitha çmimet, 2.4% është inflacioni?, ka deklaruar ai./ CNA.al





Lajmet e fundit nga