Kontrollohu/ Parandalo Kancerin e gjirit

1 Tetor 2021, 21:05, Aktualitet CNA

Tetori është muaji i ndërgjegjësimit ndaj Kancerit të Gjirit dhe në mbarë botën organizohen fushata sensibilizuese për të rritur ndërgjegjësimin dhe për të promovuar rëndësinë e kontrollit të rregullt të gjirit si mënyra më e mirë dhe e vetme për diagnostikimin e hershëm dhe parandalimin e kësaj patologjie. Edhe ky vit, si edhe 2020, vazhdon të ketë si kryefjalë COVID-19 dhe pasojat e tij në organizëm, dhe për fat të keq sëmundje të tilla sic është edhe Kanceri i gjirit kanë kaluar disi në plan të dytë.

Por, ajo çka pandemia e COVID-19 nxorri në pah, sidomos gjatë vitit 2021, ku edhe sensibilizimi ndaj këtij virusi ishte edhe më i madh, ishte që gjatë ekzaminimeve rutinë me skaner të realizuara në gratë e prekura nga COVID-19, ekzaminime që kryheshin për të vlerësuar gjendjen e mushkrive post covid, janë zbuluar në mënyrë rastësore edhe prezencë e Kancerit të Gjirit, patologji për të cilën ato vetë nuk kishin dijeni, duke ndihmuar kështu në diagnostikimin e kësaj patologjie në fazat e hershme të saj.

Pra, indirekt, kjo pandemi ndihmoi në përforcimin e mesazhit që çdo muaj Tetor i drejtohet të gjithë grave, të kryejnë kontrollin vjetor të gjirit sepse Kanceri i gjirit vazhdon të jetë kanceri më i zakonshëm që prek gratë dhe i dyti ndër tipet e kancerave në përgjithësi.

Bazuar në statistikat e Fondit Botëror të kërkimit të Kancerit vetëm për vitin 2018 kishte rreth 2 milion raste të reja me kancer Gjiri. Prandaj edhe ky muaj shërben si kujtesë për çdo grua që të kontrollohet me shpresën që duke vepruar në këtë mënyrë zbulimi i hershëm të çojë në rezultate më të mira në luftën kundër Kancerit të gjirit.

Ne e dimë që gratë në përgjithësi janë të kujdesshme dhe i kushtojnë rëndësi shëndetit të tyre por, duke qenë të zëna mdis karrierës profesionale, familjes dhe kujdesit ndaj fëmijëve jo pak herë ndodh që nuk arrijnë të gjejnë kohë për veten dhe sidomos për të kryer kontrollet mjekësore aq të rëndësishme për shëndetin e tyre. Kjo merr një vlerë akoma edhe më të madhe duke patur parasysh se një grua/nënë e shëndetshme është e barasvlefshme me një familje & shoqëri të shëndetshme.

Përsa më sipër mjekët nënvizojnë edhe rëndësinë e njohjes në kohë të simptomave të kësaj patologjie të cilat duhet të shërbejnë si këmbanë alarmi për t?u paraqitur me urgjencë te mjeku, si:

– Ekzistenca e një kokrre apo gjendre në gji apo poshtë krahut

– Ndryshime në madhësinë apo formën e gjirit

– Irritim (skuqje, mahisje) e lëkurës e lokalizuar apo e përhapur

– Tërheqje nga brenda e thithave të gjirit ose rrjedhje lëngu apo gjaku prej tyre

– Rrudhosje apo gropëzim e lëkurës së gjirit

– Gjithçka tjetër që ju duket anormale

Pra, nëse nuk keni kryer asnjëherë një Mamografi apo keni anashkaluar pa e kryer kontrollin e rradhës tani është koha që të rezervoni kontrollin tuaj të gjirit. Merrni me vete nënën, motrën apo shoqen tuaj dhe bëni Mamografinë. Mjaftojnë vetëm 10 minuta nga koha juaj për t?i thënë Jo Kancerit të Gjirit dhe Po jetës së shëndetshme.

Në këtë kuadër edhe këtë vit Spitali Hygeia ju vjen më pranë me paketën e kontrollit të gjirit duke ofruar gjatë gjithë Muajit Tetor:

-Mamografi 1500 lekë

-Vizite Mjeku + Eko gjiri bilaterale 5000 lekë

#Kontrollohu#EkzaminimiHershemShpetonJete

Spitali Hygeia Tiranë

Kontakto: 04 23 90 000