KÇK merr në dorë drejtësinë/ Skema e grupit të strukturuar Politikë-Polici-SPAK

1 Tetor 2021, 10:03, Aktualitet CNA

SPAK, GJKKO, drejtësia e re do të bëjë namin, do të zhduket grupi ?KÇK?.

Nuk kishte ditë, një vit më parë që mos të dëgjoje një deklaratë të tillë nga kryeministri Edi Rama.

Rama shprehej se paketa ?Anti KÇK? do ua bëjë jetën ferr kriminelëve.

Sipas tij, Policia e Shtetit ishte e angazhuar si asnjëherë më parë në këtë nismë të re dhe kjo është një sprovë për SPAK.

Po çfarë ndodhi? U bë një fushatë me ?OFL?me polic të armatosur lart e poshtë nëpër Shqipëri, një vajzë bionde me syze të zeza, mori të gjithë vëmendjen, më pas në lojë hyri SPAK, për të cilin thuhej se do bënte namin.

E gjithë kjo rezultoi një skemë e mirëorganizuar, nga një grup i strukturuar në trekëndëshin politikë-Polici-Drejtësisë.

Këtë e thonë faktet dhe shfryrja e këtyre aksioneve të tumbetuara, lart e poshtë.

Është tallje e hapur me qytetarët jo vetëm nga politika por edhe nga drejtësia.

Si mundet SPAK, një stukturë, më të cilët ndërkombëtarët e kanë si shtëpinë e tyre, duke apeluar që ti besojmë, të mos jetë në gjendje të luftojë krimin?

Dy janë opsionet ose janë të paaftë ose zbatojnë urdhra politik, për show, urdhra të cilat më vonë harrohen.

Siç duket shprehja ?çudia tre ditë zgjat?, iu shkon për shtat prokurorëve të SPAK.

Gjykata e Apelit kundër Krimit të Organizuar e Korrupsionit ka pushuar çështjen lidhur me sekuestrimin e kompleksit ?Gold? të Altin Hajrit në Shijak.

Pas këtij vendimit, kompleksi luksoz që ishte sekuestruar fillimisht më kërkesë të OFL-së, i kthehet pronarit.

?Me referimin në parashikimin e pikës 1, shkronja b), të nenit 46 të ligjit 98/2016 si dhe, në interesin e treguar nga media, komunikohet në mënyrë të përmbledhur se, mbi ankimin e Prokurorit të Posaçëm, përkundrejt vendimit të Gjykatës së Posaçme të Shkallës së Parë për Korrupsionin dhe Krimin e Organizuar që ka rrëzuar kërkesën për konfiskimin e pasurive të subjektit të aktit normativ A. H., sot më datë 01.10.2021, kolegji i Gjykatës së Posaçme të Apelit për Korrupsionin dhe Krimin e Organizuar, vendosi:
Pushimin e shqyrtimit të çështjes nr. 124 akti, datë 26.04.2021, regjistruar në Gjykatën e Posaçme të Apelit për Korrupsionin dhe Krimin e Organizuar mbi ankimin e Prokurorit të Posaçëm ndaj vendimit nr. 9/80, datë 12.03.2021 të gjykatës së Posaçme të shkallës së Parë për Korrupsionin dhe Krimin e Organizuar, për shkak të heqjes dorë nga ankimi.?, thuhet në njoftimin e GJKKO-së së Apelit.

Në Shkurt të vitit 2020 , Anti KÇK? nisi punën duke zbritur në terren dhe konkretisht në kompleksin ?Golden? në Shijak.

Altin Hajri ishte në kërkim për pengmarrjen dhe vrasjen makabre të Jak (Jani) Prengës më 17 janar dhe efektivët e ?Operacioni Forca e Ligjit? zbarkuan në Shijak dhe i sekuestruan kompleksin.

Bashkë me ?Golden? në sekuestro u vunë edhe tre shtëpi në emrin e tij dhe pikën e karburantit ?Alti Oil 2008?.

Menjëherë pas kësaj procedure u raportua dosja për hetim kishte kaluar në Prokurorinë e Posaçme.

Por nuk kaloi shumë kohë edhe Prokuroria e Posaçme hoqi dorë nga ankimimi e po kështu edhe Gjykata e Posaçme kundër Krimit të Organizuar e Korrupsionit, pasi e konsideronte të paligjshëm sekuestrimin nga OFL.

Për këtë shfryrje operacioni nuk ka asnëj deklaratë zyrtare nga SPAK, ansjë llogaridhënie ndaj publikut, me taksat e të cilit paguhen dhe bëjnë show./CNA.al