web counter
LEXO PA REKLAMA!

SHKARKO APP

App Store
Google Play

E fundit!

x

Video-Tetori rozë/ Gazetarja e njohur rrëfen betejën e vështirë me kancerin

1 Tetor 2021, 08:03, Aktualitet CNA

Tetori është Muaji Kombëtar i Ndërgjegjësimit kundër Kancerit të Gjirit ndaj edhe është konsideruar si ?Tetori rozë?.

Ministrja e Shëndetësisë Ogerta Manastirliu ka përcjellë një mesazh sensibilizimi për të gjitha gratë dhe vajzat që të marrin vetëm 30 minuta nga koha e tyre për të kryer vetëkontroll.

Ndërkohë, në video-mesazhin e publikuar nga Manastirliu, gazetarja e njohur Rezarta Keçi ka rrëfyer betejën e saj me kancerin e gjirit, duke treguar sfidat e vështira me të cilat është përballur.

?Si gazetare radio-televizive kam luftuar me profesionalizëm për diagnostifikimin e hershëm dhe luftën e fortë kundër kancerit të gjirit. Ndërsa si Rezartë u dorëzova. U dorëzova jo nga frika por nga arsye të thella që lidhen me subkoshiencën time. E lashë pas dore. Ka qenë dashuria dhe vëmendja e miqve të mi më të ngushtë.

Ka qenë lufta frontale e ekipit të specializuar të mjekëve të Spitalit Onkologjik në Tiranë, të cilët morën masa të menjëhershme jo vetëm për të më diagnostifikuar, por edhe për ta luftuar kancerin e gjirit që ishte shfaqur në trupin tim. Jam mirënjohëse atyre. I jam mirënjohëse edhe vetes që zgjodha të mos plogështohem në krevat, përkundrazi zgjodha të bëj jetë aktive krahas luftës kundër kancerit të gjirit. Prandaj ti e dashur, ju të dashura që po më ndiqni, mos nguroni. Diagnostifikohuni për kancerin e gjirit, jo vetëm në muajin Tetor!?, shprehet ajo.





Lajmet e fundit nga