web counter
LEXO PA REKLAMA!

SHKARKO APP

App Store
Google Play

“Ne jemi të mbaruar si komb!”/ Thirrja e fortë e Artan Fugës: Shpëtoni rininë shqiptare

29 Shtator 2021, 15:52, Aktualitet CNA

Akademiku dhe profesori i Universitetit të Tiranës, Artan Fuga, ka dalë me një reagim në rrjetet sociale, lidhur me vendosjen e gjuhës angleze si pjesë e programit për klasat e para.

Me tone kritike, Fuga shkruan se prejm vitesh studentët që vijnë nga arsimi parauniversitar në bangat e fakultetit në masën 90% nuk dinë mjaftueshëm asnjë gjuhë të huaj.

Fuga shton se ka nevojë për një reformë të vërtetë në mësimin e gjuhëve të huaja në shkollë.

“E pooo mirë! Diçka dua të them!

Prej vitesh studentët që vijnë nga arsimi parauniversitar në bangat e universiteteve në masën 90 përqind të tyre nuk dinë mjaftueshëm asnjë gjuhë të huaj. As gjermanisht, as frëngjisht, as spanjisht, as italisht, as anglisht!

Kjo është drama e madhe e tyre ndërkohë aspak për faj të tyre. Ata janë të zgjuar dhe të motivuar.

E them edhe njëherë dhe jam gati ta provoj para çdo instance: Maturantët që vijnë në universitete nuk dinë gjuhë të huaja!

Nëse me po këtë nivel janë edhe në gjuhë shqipe, biologji, matematikë, fizikë, etj., (do flas njëherë tjetër) ne jemi të mbaruar si komb!

Ka nevojë për një reformë të vërtetë në mësimin e gjuhëve të huaja në shkollë. Kot ta shkruaj se cila është sepse nuk dëgjon njeri!

Kështu është kur gjeopolitika drejton linguistikën!

Kur politika mban në zgjedhë pedagogjinë!

Të gjitha çfarë thuhen për cilësinë e tërci e vërci janë dokrra dhe përralla! Shpëtoni rininë shqiptare!”/CNA.al





Lajmet e fundit nga