web counter
LEXO PA REKLAMA!

SHKARKO APP

App Store
Google Play

E fundit!

x

Korrupsioni në arsim/ Zbardhen arrestimet e SPAK në Dibër

29 Shtator 2021, 08:12, Aktualitet CNA

Një ditë më parë, SPAK-u, ka zbarkuar në Dibër në kuadër të një operacioni kundër korrupsionit në Arsim .

Në pranga ka rënë shtetasi Halit Shehu specialist i pyjeve me akuzën korrupsionit aktiv.

Ai u kap në flagrance duke i dhënë rryshfet 100 mijë lekë shtetasit Fitim Faruku, me detyrë shef i finances së Këshillit të qarkut Dibër.

Ky i fundit i kishte premtuar Shehut se do të fillonte punë si mësues.

Në kuadër të procedimit penal Nr.176/2021 të SPAK, nga veprimet ka rezultate që shtetasi H. Sh. ka dashur të fillojë punë si mësues pranë Zyrës Arsimore Dibër.

Për këtë qëllim, ai ka kontaktuar me shtetasin F.F, punonjës i Këshillit të Qarkut Dibër. Ky i fundit i ka premtuar, kundrejt shpërblimit, që t?i sigurojë ndikim tek drejtuesit e Zyrës Arsimore Dibër, në mënyrë që H. Sh. të punësohet si mësues pranë kësaj zyre.

Gjatë operacionit, menjëherë pas dorëzimit të shumës prej 100.000 Lekësh nga shtetasi H.Sh., kundrejt shtetasit F.F., kanë ndërhyrë sakaq punonjësit e policisë duke bërë arrestimin në flagrancë të tyre si dhe duke bllokuar provat materiale.
Shtetasi H.Sh. dyshohet se ka konsumuar elementet e veprës penale të ?Ushtrimit të ndikimit të paligjshëm të personave që ushtrojnë funksione publike? parashikuar nga neni 245/1 paragrafi 2 i Kodit Penal të Republikës së Shqipërisë. Ndërkohë, shtetasi F.F dyshohet se ka konsumuar elementet e figurës penale të ?Ushtrimit të ndikimit të paligjshëm të personave që ushtrojnë funksione publike? parashikuar nga neni 245/1 paragrafi 4 i Kodit Penal të Republikës së Shqipërisë./CNA.al





Lajmet e fundit nga