E fundit!

22:44 Aktualitet

Eric Wendt një hap larg emërimit/ Komiteti i Senatit voton pro gjeneralit si ambasador i SHBA-së në Shqipëri

Komiteti për Marrëdhëniet me Jashtë i Senatit amerikan ka ...

Nicola Gratteri, prokurori antimafia që gjen kohë të edukojë të rinjtë në shkolla

29 Shtator 2021, 08:08, Aktualitet CNA

Nicola Gratteri, prokurori anti-Ndrageta i Katanxaros është gjithmonë në shënjestër të mafias.

Ndaj që pas 3 vjetësh në shërbim, është vazhdimisht i rrethuar nga një eskortë rojesh tashmë prej gati 30 vjetësh.

Prokurori kalabrez ndodhet në vijën e parë të një beteje me mafian më të fuqishme të botës, që faturon mbi 40 miliardë euro.

Prokurori kalabrez prej kohësh udhëton vetëm me Jeep të blinduar. Dritaret e zyrës së tij që shikojnë në sheshin “Falcone dhe Borselino” janë gjithashtu prej xhami antiplumb.

Nga përgjimet ai cilësohet nga eksponentët e Ndragetas si “një i vdekur që ecën?.

E megjithatë e konsideron veten si “një i infiltruar” duke qenë pa asnjë përkatësi me rrymat politike.

Hetimet e drejtuara prej tij që shkatërruan celulën “Mancuso” që kontrollonte provincën Vibo Valentia dhe shtrinte tentakulat përtej Kalabrisë, kanë nxjerrë në dritë lidhje mes politikës dhe mafias.

Është për shkak të këtij hetimi që vetë Gratteri u sulmua nga eksponentë politik dhe kolegë të tij.

Tentativa për transferim dhe sulmet e persëritura në vend që të thyenin prokurorin, sollën reagimin popullor dhe shfaqjen e solidaritetit masiv në mbështetje të tij.

Në ditën e arrestimeve të bëra prej tij, mijëra njerëz u mblodhën përballë komisariatit në shenjë falenderimi ndaj prokurorisë.

Pak javë më vonë mijëra të tjerë u mblodhën në sheshin përballë Pallatit të Drejtësisë për të mbrojtur prokurorin nga ata që po kërkonin ta ndalnin.

Janë disa atentate të planifikuara ndaj tij që janë zbuluar në kohë.

I tallur prej kritikëve si “moralist” prokurori ka luftuar për të futur në procesin penal teknologjitë e reja që i shërbejnë ekonomisë penale dhe e bëjnë më efiçente makinerinë e shërbimit të drejtësisë.

Prokurori është i angazhuar personalisht në veprimtari edukuese të rinisë.

E gjitha ka kosto!

Gratteri nuk lahet në det prej 15 vitesh.

Siç thotë vetë ai:

“Në 20 vitet e fundit nuk kam hyrë më në kinema, nuk kam ndjekur dot as ndeshje futbolli në stadium, apo të bëj një shëtitje në park.

Por janë dy gjërat nga të cilat nuk heq dorë kurrë!

E para është të punoj tokën.

E dyta të shkoj në shkolla për t’u shpjeguar të rinjve se pse nuk është me leverdi që të bëhesh ushtar i Ndragetës“.-ka thënë Gratteri.

Italia ngjashëm me Shqipërinë, verifikon kandidatët politik për lodhje të tyre me mafian.

Gratteri thotë:

“Komisioni antimafia kufizohet vetëm që ti kërkojë prokurorisë nëse kandidatët kanë patur dënime në të shkuarën. Kjo nuk e zgjidh problemin. Nuk kandidohen “shefat” por të rinj me pamje të bukur për të cilët nuk ke çfarë thua.

Është e qartë që këta janë buratinë.

Nuk zgjidhet problemi me çertifikata antimafia. Zgjidhet vetëm nëse politika sillet seriozisht“.

Olsian Çela dhe Arben Kraja nëse janë njerëz të lirë, mund të mësonin shumë nga modeli Gratteri!/CNA.al