E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

Vrasja e nënkomisarit/ Nisma Thurje i “nxjerr bojën” Lleshajt: Si mund të jesh kaq i pafytyrë

29 Shtator 2021, 18:51, Aktualitet CNA

Për vrasjen e efektivit të Lezhës, Saimir Hoxha, pati reagime edhe nga ish-ministri i Brendshëm Sandër Lleshaj.

Lleshaj tha se ekzektutimi i nënkomisarit është një ngjarje më e rëndë se vrasja e Klodian Rashës dhe se shoqëria duhet të protestojë, siç bëri në muajin dhjetor.

Ndërkohë lidhur me këtë deklaratë të tij, ka reaguar Nisma “Thurje”, e cila e ka cilësuar ish-ministrin një të pafytyrë, i cili gjatë kohës së protestave për Klodian Rashën, u kujdes që të hidhej gazlotsjellës dhe të dhunohej me shkopa goma çdo i ri protestues.

Më tej ka deklaruar se ishte ish-ministri Lleshaj, i cili i mbushi mediat pranë qeverisë, me lajmin që i riu Klodian Rama kishte armë, natën kur u vra.

Nisma “Thurje” ka theksuar se Lleshaj duhet të ketë kujdes, pasi ai ishte një nga ata që nuk mbrojti as qytetarët as policinë, por i shërbeu dorës që e flaku në rrugë.

“Si mund të jetë një njeri kaq i pafytyrë?!

Kur shumë të rinj organizuan protestat për Klodian Rashën, Sandri u kujdes që ndaj tyre të përdorej i gjithë arsenali i gazitlotsjellës. Sandri lëshoi me urdhër detyrues dhunimin e çdo protestuesi me shkopa gome e ujë të ftohtë. Si mund të jetë kaq i pafytyrë vallë?

Harroi se pas vrasjes së Klodian Rashës zyra e Policisë mbushi me informacione mediat pranë qeverisë se Klodiani kishte armë, Klodiani kishte qëlluar me grusht efektivin e Shqiponjave, se Klodiani kishte precedent të më parshme penale. Hodhën çdo llumë të mundshëm për të shuar protestat, me të gjitha mënyrat.

Sandër, ne do të ngrihemi, do të revoltohemi, do të kundërshtojmë, por ngjarja nuk është më e rëndë se vrasja e Klodian Rashës. Në të parën kemi një efektiv policie të armatosur dhe i veshur me uniformë shteti pa një transpaerncë të qartë përzgjedhje në radhët e “Shqiponjave”, me hije dyshimi mbi të kaluarën e tij, ndërsa në të dytën kemi një strukturë shtetërore që ekspozon pa asnjë mbrojtje punonjësit e policisë përballë kriminelëve.

Kujdes shprehjen Sandër, sepse ti je njëri prej tyre që nuk mbrojte as qytetarët, as punonjësit e policisë po i shërbeve atij që të flaku në rrugë, ashtu siç të mori”, shkruan Nisma Thurje./ CNA.al