web counter
LEXO PA REKLAMA!

SHKARKO APP

App Store
Google Play

Mazhoranca nuk heq dorë nga zgjatja e mandatit të Komisionit të Vettingut

1 Tetor 2021, 08:20, Aktualitet CNA

Mazhoranca vijon ti qëndrojë kërkesës për zgjatjen e mandatit të Komisioniy të Vettingut.

Në një deklaratë për mediat, ministri i Drejtësisë, Ulsi Manja është shprehur se ?Procesi i Vettingut, duhet të përfundojë nga organet e Vettingut?.

Gjithashtu ai ka theksuar se ?Jemi në konsultime të ngushta me partnerët ndërkombëtarë, ditët në vijim do të kemi edhe materializimin e nismës?.

Ndërsa gjatë fjalës së tij në një konferencë të titulluar ?Roli i Institucioneve Vetëqeverisëse të Drejtësisë? ku të pranishëm ishin dhe anëtarë të medias, u ndal te Reforma në drejtësi dhe lufta kundër pandëshkueshmërisë.

Manja ka theksuar se reforma në drejtësi po jep frytet e para dhe qeveria është e angazhuar ta dërgojë përpara këtë reforme. Ai nënvizoi më tej, se do të miratohet harta e re gjyqësore si dhe do të rritet numri i pranimit në shkollën e magjistraturës, si e vetmja rrugë për plotësimin e vakancave.

?Shteti i së drejtës ishte i kapur peng nga korrupsioni. Vettingu filtroi dhe nxori nga sistemi një numër të lartë gjyqtarësh dhe prokurorësh. Reforma ishte e nevojshme dhe po jep rezultate. Ndërsa tani, le të flasim për rezultate konkrete, sepse sistemi i mëparshëm i drejtësisë promovonte padrejtësinë dhe modelin e pandëshkueshmërisë. Reforma në Drejtësi po jep rezultate dhe qeveria e re është e vendosur ta çojë përpara. Vetingu tregoi se sa i nevojshëm ishte. Reforma po jep frytet, ajo është një model unik në vendet e rajonit.

Vetingu u certifikua edhe nga Gjykata e Strasburgut. Do miratojmë hartën e re gjyqësore dhe do të rrisim numrin e pranimit në shkollën e magjistraturës si e vetmja rrugë për plotësimin e vakancave?, tha Manja./CNA.al





Lajmet e fundit nga