web counter
LEXO PA REKLAMA!

SHKARKO APP

App Store
Google Play

E fundit!

x

Në nëntor skadon marrëveshja me Qeverinë/ Naftëtarët vihen në lëvizje

1 Tetor 2021, 09:49, Aktualitet CNA

Naftëtarët e Ballshit janë mbledhur sot pranë uzinës së naftës, duke kërkuar që rafineria të rikthehet në punë.

Lëvizja e tyre vjen pasi në muajin nëntor skadon marrëveshja me Qeverinë, në bazë të se cilës kanë marrë rrogën për 12 muaj.

Kreu i sindikatës së naftëtarëve, Sokol Dautaj, u shpreh se ata do të ndjekin të gjitha rrugët ligjore për të gjetur zgjidhje duke kërkuar ndihmë nga qeveria.

“Kishim një kontratë me kryeministrin prej një viti për mbështetje financiare. Në tetor përfundon marrëveshja që kishim dhe ne edhe një pagë marrim dhe aq. Ne do të ndjekim të gjitha rrugët ligjore. Zëri i naftëtarëve ka rënë në vesh të shurdhur. Ne kemi një jetë të tërë që kemi investuar këtu dhe tani jemi në rrugë të madhe. Ne shpresojmë që Rama të bëjë më të mirën, uzina vihet në punë, le të vijë kush operatorë të dojë, vetëm të fillojë puna. Nuk kemi zanat tjetër, ku të shkojmë? Sot ne i kemi urat e kontaktit, ne theksojmë se ky mall këtu është i naftëtarëve të Ballshit”, tha ai.

Ata theksojnë po ashtu se prej ditësh paraqiten në uzinë për shkak se kamionë të disa kompanive nënkontraktore vijnë për të marrë mall në këmbim të borxheve i kishte kompania.

“Persona qe UPN u ka borxh kane ardhur me trailera për të marr mall në këmbim të borxheve. Ne nuk i lejojmë sepse uzina është në sekuestro, që do të thotë nëse të gjithë ne që na ka borxh uzina të marrim çfarë duam, çfarë i shkaktojmë uzinës”, shprehet Dautaj.

Kujtojmë se pas 45 ditësh grevë urie, më 13 nëntor të vitit të kaluar, kryeministri Edi Rama dhe naftëtarët ranë dakord që të merrnin një pagë prej 40 mijë lekësh për një vit si dhe pagimin e sigurimeve shoqërore për 12 muaj. Në total përfituan 870 naftëtarë, por tashmë situata e tyre është sërish pa zgjidhje./CNA.al





Lajmet e fundit nga