web counter
LEXO PA REKLAMA!

SHKARKO APP

App Store
Google Play

E fundit!

x

Kandidati i Bashës dhe ish-kreu i PD i bashkohet Berishës

29 Shtator 2021, 08:22, Politikë CNA

Ish-kreu i Partisë Demokratike në Durrës Igli Cara ka konfirmuar pjesëmarrjen në ?Foltore me Demokratët?, iniciatë kjo e ish-kryeministrit Sali Berisha.

Cara, i cilia ka qenë i shtati në listën e Bashës për deputet,  me anë të një postimi në rrjete sociale, ka thënë se mirëpret çdo foltore, që forcon PD-në, demokracinë e brendshme dhe bashkon demokratët.

?Prej ditësh, anëtarësia e Partisë Demokratike është përfshirë në një debat të ashpër, që shumëkush përpiqet ta përkufizojë si sherri “Berisha – Basha “.

Në gjykimin tim, ky debat ka të bëjë me përballjen me të vërtetën, me demokracinë e brendshme, me sistemin e vlerave e të karrierës, me të sotmen dhe të ardhmen, jo vetëm të Partisë Demokratike, por dhe të sistemit politik në Shqipëri.

Vlera më e madhe e një partie janë anëtarët e saj?, shkruan Cara në rrjete sociale.

Sipas tij, çështja më e rëndësishme sot është: ?- A do të kthehet pushteti tek ata ??

?Demokratët e Durrësit do të mirëpresin ?Foltoren e Berishës?, një proçes shumë i vonuar, por më mirë vonë se kurrë!

Në mendimin tim, foltorja nuk synon kthimin e Berishës, por rikthimin e legjitimitetit të bazës së PD-së dhe ky është një borxh që Berisha ia ka demokratëve.

Për të gjithë, miqtë e mi demokratë, që më pyesin nëse do të jem sot në ?Foltoren e Durrësit?, përgjigjja është PO!

Do të jem aty për të gjithë demokratët, fuqizimin e tyre dhe kthimin e PD-së në alternativë qeverisëse!?, shkruan më tej Cara./CNA.al





Lajmet e fundit nga