web counter
LEXO PA REKLAMA!

SHKARKO APP

App Store
Google Play

E fundit!

x

Saimir Tahiri kërkon pafajësi/ Paralajmëron avokati: Do triumfojë drejtësia

28 Shtator 2021, 11:23, Politikë CNA

Gjykata e Lartë ka pranuar kërkesën e ish-ministrit të Brendshëm, Saimir Tahiri, për të rikthyer në Apelin e GJKKO, çështjen në ngarkim të tij.

Ndërkohë, në një prononcim për mediat, avokatit i tij Maks Haxhia ka theksuar se ish-ministri Tahiri nuk do të heqë dorë nga kërkesa e tij për pafajësi.

?Ne jemi gjithmonë në instistimin tonë, ne kërkojmë pafajësi dhe ne do të vijojmë të insistojmë në pafajësi. Ne jemi optimistë dhe të sigurtë se drejtësia do shkojë në vend duke i dhënë pafajësi Saimir Tahirit?-tha ndër të tjera Maks Haxhia.

Po ashtu avokati Haxhia renditi shkeljet proceduriale që konstatoi Gjykata e Lartë.

?Kërkimet tona ishin më të gjera se vendimi i Gjykatës.

Kolegji i Apelit, ne dhe dy kolegët e tjerë e shtrimë ankimin në kërkim final, për ta zgjidhur në themel. E rrëzoi kërkesën, u përqëndrua në shkeljet proceduriale.

Shkeljet janë konstatuar në tre pika kryesore, në gjykim kanë marrë pjesë gjyqtarë që kanë cënuar paanëshmërinë dhe pozicionin e individit në process penal, kanë dhënë vendim me fakte të lidhura ku nuk u shkëputën dot nga interpretimi i fakteve. Edhe pse këta gjyqtarë kërkuan dorëheqje, por nuk iu miratua. Gjykata ose autoriteti nuk e pranoi.

Albana Boksi dha dorëheqje, drejtuesi i Gjykatës edhe pse e kishte me shkrim nuk e pranoi. E dhamë edhe këtë shkak në Gjykatën e Lartë. Gjykata e pranoi si shkelje.

Çdonjeri që ka problem me drejtësinë do të shkëputet sa më shpejt. Jam apo s?jam i kënaqur e di unë. Unë e shoh më nga brenda drejtësinë.

Strategjia e radhës është që çështja të shkojë në Apel dhe do të insistojmë për pafajësi.?- tha avokati./CNA.al





Lajmet e fundit nga