E fundit!

11:28 Aktualitet

“Më duhen 200 mijë…”/ Zbardhet dëshmia e Metës për aferën CEZ-DIA

Sot në GJKKO po zhvillohet seanca ndaj kreut të Partisë së...

Lëvizje e re në PD/ Kadilli prezanton nismën e re "Iniciativa Demokratike"

28 Shtator 2021, 10:50, Politikë CNA

Ish-kandidati për kryetar i PD, Fatbardh Kadilli ka prezantuar sot forumin e ri brenda kësaj force politike, të quajtur “Iniciativa Demokratike?

Kadilli ka thënë se motoja e tij mbetet një PD e pastër, e hapur, e bashkuar dhe fituese.

Sipas tij, grindja e brendshme, kriza e rëndë politike, përplasja mes dy kryetarëve po shpenzon energji, po njerr moralin politik dhe ka nxjerrë PD-në jashtë misionit të saj opozitar.

?Ne besojmë se asnjëra palë nuk jep zgjidhje të qëndrueshme. Nuk janë zgjidhja as për PD dhe as për të ndërtuar opozitë të pastër. Asnjëri nuk bashkon, nuk forcon, nuk na shton, nuk fiton. Nuk jep një fokus të qartë e të vërtetë opozitar. Një alternativë konkuruese. Pikërisht tek krijimi i alternativës qëndron propozimi ynë. Ne kemi marrë përgjegjësitë tona”, ka thënë Kadilli.

Më tej Kadilli ka argumentuar se kjo lëvizje e ndërmarrë prej tij, do të ketë propozime të besueshme dhe do të ngjallë shpresë.

“Do të bëjmë opozitë. Një opozitë të re. Përballë pushtetit abuziv të Ramës, ne do të vijmë si një opozitë e pastër, opozitë konkuruese, opozitë që ngjall shpresë. Kjo opozitë e re do ketë propozime të besueshme, nga njerëz të besueshëm, në dobi të vendit.

Në përputhje të plotë me statutin e PD, ne sot shpallim krijimin e iniciativës demokratike si strukturë e PD-së jo mbi baza territoriale por sociale, profesionale, politike. Me shtrirje dhe veprim në gjithë territorin.

Ne sjellim ide. Në iDE ballafaqohen ide. Kush ka ide, vjen në iDE. Me mendim të ri politik, me sfida të vërteta politike, me aksion të njëmendtë politik. Për beteja politike thelbësore, programore dhe jo beteja rastësore.

iDE do të mobilizojë energjitë dhe talentin e pashfrytëzuar të demokrateve dhe opozitarëve. Opozita nuk është ekskluzivitet i askujt. Partia edhe mund të bëhet monopol. Opozitarizmi jo!

Struktura e re, iDE është e përbërë nga politikanë me përvojë, me karrierë politike dhe administrative, por edhe njerëz të rinj, të shkëlqyer që duan të kontribuojnë

Ajo është vetvepruese. iDE është më e gjerë se anëtarët e PD. Ajo është një ftesë për çdo demokrat që nuk është PD-ist dhe për çdo qytetar që nuk është demokrat.

Tek vetveprimi, tek hapja, tek konkurenca si filozofi e jetës, si dhe tek qytetari qëndron dallimi dhe e veçanta e këtij forumi të pangjashëm deri më sot. iDE do të bëjë politikë që sjell dobi për qytetarin. Që zhvillojnë dhe lartësojnë familjen, ligjshmërinë, pronën private, tregun dhe meritokracinë”, ka thënë Kadilli./CNA.al