E fundit!

12:34 Aktualitet

Kërkesa e protestuesve për kufizimin e mandatit të kryeministrit/ Berisha: PD e gatshme ta votojë

Kreu i PD-së, Sali Berisha, deklaroi se Partia Demokratike...

Kuvendi Kombëtar i PD/ Si përfundoi në “duart” e Bashës pa garë e legjitimitet

28 Shtator 2021, 08:04, Politikë CNA

Më 28 shtator 1991 përfundoi Kuvendi i parë Kombëtar i Partisë Demokratike.

Zgjati dy ditë, pati vëmendje të madhe publike dhe mbi të gjitha, është dhe mbetet Kuvendi i vetëm ku pati garë reale dhe cilësore për zgjedhjet për kryetar dhe kryesi.

Për kryetar konkuruan Sali Berisha, Gramoz Pashko dhe Azem Hajdari, kurse për kryesi zgjedhjet u zhvilluan me votim nga kongresi/kuvendi.

Rezultatet flasin vetë, kryetari dhe anëtarët e kryesisë kishin të njëjtin legjitimitet votash, çfarë krijoi politikanë me profil të lartë politik.

Dy kandidatët që humbën garën për kryetarë i njohën rezultatet, Berisha u bë kryetar dhe Neritan Ceka qëndroi kryetar i grupit parlamentar.

Në atë kohë statuti i PD përcaktonte kufizime me dy mandate (secili nga 2 vjet) për kryetarin, pra në total 4 vjet.

Sipas të dhënave të ISP, më 1993 rregulli u ndryshua dhe zgjedhjet për kryetar më 1995, 1996, 1997, 1999, 2001, 2003 dhe deri më 2013 u bënë thuajse formale, me kandidatë formalë ose të emëruar. Më 2013 pati rivalitet, por me diferencë midis dy kandidatëve, situatë thuajse e njëjtë edhe për 2017, ndërkohë që në formë më minimale u shfaq edhe më 2021.

A ishin partitë më demokratike më 1991 sesa më 2021? A ishim më ?demokratë? ku sapo dolëm nga sistemi njëpartiak apo sot kur kemi mbi 130 parti dhe liri më të madhe mendimi e veprimi?

Shoqëria ka ndryshuar, partitë kanë ndryshuar dhe një prej tipareve të tyre që ka ndryshuar në vite është sensi i përgjegjësisë dhe llogaridhënies.

Në fillimet e tranzicionit partitë mbanin përgjegjësi dhe jepnin llogari publike, por tri dekada më vonë, partitë nuk janë as transparente dhe as pranojnë llogaridhënie. Nga parti ? fronte që kërkonin një kryetar për tu bërë lider, partitë u kthyen në parti-lider që kërkojnë anëtarë mbështetës për tu bërë parti elektorale.

Instituti i Studimeve Politike (ISP) vlerëson se kjo kurbë kritike është një alarm dhe sinjal i fortë për nevojën jetike për reformimin e legjislacionit të partive politike, për jetësimin e demokracisë së brendshme në partitë tona dhe për më shumë transparencë e llogaridhënie.

Partitë që nuk janë demokratike nga brenda nuk mund të sjellin demokraci në shtet dhe shoqëri, ashtu siç edhe partitë që nuk respektojnë votën brenda tyre nuk e kanë respektuar dhe as nuk mund të jenë garant për votën qytetare në zgjedhjet parlamentare e lokale./CNA.al