E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

“Uragani” zhvendoset në Durrës/ Zyrtarët e PD që do jenë në krah të Berishës

28 Shtator 2021, 13:03, Politikë CNA

Prej disa ditësh, ish-kryeministri Sali Berisha ka zbritur në ?terren?, dhe ka filluar takimet me demokratët në kuadër të ?Foltores së PD?.

Berisha kërkon rikthimin e demokracisë në Partinë Demokratike, shkarkimin e kryetarit jo legjitim, sikurse e cilëson ai Lulzim Bashën dhe bashkimin e së djathtës, për ta çuar atë drejt fitores.

Ndërkohë, pas takimeve me qindra dhe mijëra mbështetës në Tiranë, Fier dhe Vlorë, nesër ?uragani? Berisha, do të jetë në Durrrës.

Pasditen e së mërkurës, në orën 18:00, në ambientet e Pallatit të Kulturës në Durrës, ish-kryeministri Sali Berisha do të mbajë foltoren e katërt.

CNA.al ka mësuar edhe emrat e disa prej zyrtarëve demokratë që do të jenë në krah të ish-kryeministrit Berisha, nesër në Durrës.

Drejtuesit e FRPD-së, të cilët janë shprehur hapur në mbështetje të liderit të demokratëve, si dhe funksionarë të lartë të Partisë Demokratike, dega Durrës, pritet që nesër të jenë në krah të Berishës.

Dy ditë më parë, Kryetari i FRPD-së në Durrës, Artion Bajramaj, përmes një postimi në rrjetet sociale, bënte të ditur se ka zhvilluar një bisedë me ish kryeministrin ku kanë rënë dakort për disa pika.

Sipas tij, PD nuk mund të presë që ta sjellin në pushtet ndërkombëtarët, ndërsa thekson se ndryshimi vjen nëpërmjet hapjes, bashkimit dhe organizimit të mirë. (Lexo këtu)

Gjithashtu edhe deputeti i Partisë Demokratike, Oerd Bylykbashi, pritet që t?i bashkohet nesër ?Foltores? së Berishës. Një gjë të tillë, deputeti Bylykbashi e ka lënë të nënkuptohet nëpërmjet një postimi në faqen e tij në rrjetet sociale, ku I drejtonte edhe një mesazh të fortë Bashës, ndërsa shkruan se duhet kolegjialitet më i madh brenda partisë në vendimet e rëndësishme. (Lexo këtu)

Një tjetër emër në krah të Berishës është edhe Kreu i Këshillit Kombëtar të Partisë Demokratike, Edi Paloka, i cili njëkohësisht është edhe drejtuesi politik i Qarkut të Durrësit.

Që prej ditës së parë, pas vendimit personal të Lulzim Bashës për përjashtimin e Berishës nga grupi parlamentar i PD-së, Edi Paloka është rreshtuar në krah të ish-kryeministrit.

Nëpërmjet një postimi në rrjetet sociale, Paloka tregon qartë se do vijojë të jetë në krah të Berishës.

Një tjetër emër që do i bashkohet ?Foltorës? së Berishës është edhe Osman Stafa, ish-kryetari i degës së PD-së në Durrës.

Po ashtu burime për CNA.al bëjnë të ditur se në takim do të ketë të pranishëm edhe anëtarë të kryesisë së degës së PD në Durrës.

Pra, mesa duket pas tre takimeve, në Tiranë, në Fier dhe në Vlorë, duket se Durrësi do të jetë ?grushti? tjetër ndaj Lulzim Bashës dhe vendimeve të tij politike, që e kanë çuar PD-në, nga humbja në humbje./CNA.al