web counter
LEXO PA REKLAMA!

SHKARKO APP

App Store
Google Play

Rritja e aksidenteve rrugore/ Eksperti me ‘dorë të hekurt’: T’u hiqet patenta përgjithmonë

14 Shtator 2021, 15:59, Aktualitet CNA

Eksperti i sigurisë rrugore, Islam Qibini, ka kërkuar ashpërsim të sanksioneve për shoferët duke filluar nga bllokimi i mjetit e deri tek heqja përfundimtare e patentës.

Kjo kërkesë e tij, vjen pasi ndryshimet në Kodin Rrugor që hyn në fuqi në maj të këtij viti, nuk po rezultojnë efikase, pasi numri i aksidentëve është rritur.

?Ndryshimi i dispozitave të Kodit Rrugor ishte një domosdoshmëri e cila ndikoi në parandalimin e aksidenteve rrugore, por kjo nuk është e mjaftueshme, duke parë statistikat e muajve korrik-gusht.

Duhet të kemi një ndryshim të masave ndëshkuese dhe shtrënguese. Të sekuestrohet mjeti i drejtuesit të automjetit. Duhet të ketë edhe masa për sekuestrimin e patentës, për heqjen e patentës përgjithmonë, ose bllokim mjeti mbi 3-4 vite?, është shprehur ai për ABC news.

Për ekspertin, parandalimi i aksidenteve nuk mund të bëhet vetëm nga Policia Rrugore. Rol të veçantë duhet të ketë edhe Ministria e Arsimit dhe drejtoria e Përgjithshme e Transporteve.

?Ministria e Arsimit për edukimin e të rinjve, mbi parimet e sigurisë rrugore, mbi normat e përgjithshme për drejtimin e mjetit. Kjo duhet të jetë me programe të posaçme nëpër shkolla. Gjithashtu, drejtoria e Përgjithshme e Transporteve, duhet të rrisë afatin kohor për marrjen e lejes së drejtimit? tha ai./CNA.al

 





Lajmet e fundit nga