web counter
LEXO PA REKLAMA!

SHKARKO APP

App Store
Google Play

E fundit!

x

U vra me bukë në gojë/ Protestë në Tiranë, kërkohet drejtësi për Sabrina Bengaj

13 Shtator 2021, 14:20, Aktualitet CNA

Aktivistët kanë thirrur një protestë në Tiranë, për të kërkuar drejtësi për Sabrina Bengajn, e cila u vra nga ish-bashkëshorti, Elton Meta.

Mësohet se protesta pritet të mbahet ditën e mërkurë në orën 18:00.

Blogerja dhe gazetarja Zhaklin Lekatari ka ndarë thirrjen në rrjetet sociale. Protestë do të nisë nga Ministria e Brendshme për të marshuar më pas drejt Ministrisë së Drejtësisë.

?Eja në protestë të mërkurën, 15 shtator, ora 18:00 te Ministria e Brendshme deri te Ministria e Drejtësisë. Shpërnda posterin dhe duku në protestë!! Sabrina, 23 vjeçare u vra me bukë në gojë nga ish burri i saj. Vrasësi i Sabrines që duhet të ishte në burg, pasi ishte akuzuar për tre vepra penale, para vrasjes u la i lirë nga drejtësia shqiptare.

Ky është një krim mizor mbi gratë, ekzekutuar nga dora e gjakësit, filluar me dakordesine e familjeve për martesën e vajzës 13 vjeçe dhe vazhduar me padrejtësinë e drejtësisë shqiptare. Vrasja e paralajmëruar e Sabrines nuk mund të mbetet me kaq. Na ndihmo, shpërnda posterin dhe bashkohu me ne fajtorët kanë emra?, thuhet në njoftim./CNA.al





Lajmet e fundit nga