web counter
LEXO PA REKLAMA!

SHKARKO APP

App Store
Google Play

E fundit!

x

Procesi i vaksinimit/ Manastirliu jep lajmin e mirë

14 Shtator 2021, 08:25, Aktualitet CNA

Ministrja e Shëndetësisë dhe Mbrojtjes Sociale, Ogerta Manastirliu ka deklaruar  se Shqipëria është një ndër vendet që ka përballuar me një qasje proaktive periudhën e pandemisë.

Gjatë drejtimit të sesionit të 71- të Komitetit Rajonal për Europën të OBSH, ministrja bëri me dije se është drejt përfundimit negociata për një tjetër kontratë me kompaninë e vaksinave Pfizer, ku priten të sillen 500 mijë doza vaksine të tjera në vendin tonë, në 3 mujorin e fundit të këtij viti.

?Jam e kënaqur të them se jemi duke negociuar dhe përfundojmë se shpejti një kontratë tjetër me kompaninë Pfizer për 500 mijë doza vaksine, të cilat do të mbërrijnë në 3-mujorin e fundit të këtij viti dhe natyrisht do të vijojmë të kemi një qasje proaktive për të rritur mbulesën vaksinale tek grupet e riskut, sidomos tek punonjësit shëndetësor, tek mësuesit dhe gjithashtu të gjithë punonjësit e shërbimeve në administratën publike?, bëri me dije Manastirliu.

Në takim po vihet theksi nga të gjithë ekspertët, për të rivlerësuar arkitekturën e sistemeve shëndetësore, me mësimet e nxjerra nga pandemia COVID-19.

?Në këtë takim që ne drejtojmë në cilësinë e drejtueses së këtij sesioni të rëndësishëm të Komitetit Rajonal për Europën në Organizatën Botërore të Shëndetësisë, po vihet theksi me të gjithë ekspertët e fushave, se si do të rivlerësohet arkitektura e sistemit shëndetësor dhe se si do të vlerësohet dhe do të mbështetet sistemi shëndetësor në raport me kujdesin parësor, në raport me programin e vaksinimit dhe gjithashtu edhe me mbështetjen ndaj financimit të qëndrueshëm drejt mbulimit shëndetësor universal?, tha Manastirliu./ CNA.al





Lajmet e fundit nga