web counter
LEXO PA REKLAMA!

SHKARKO APP

App Store
Google Play

E fundit!

x

Foto-Skandal në Shkodër/ Tensioni i lartë rrezikon jetën e qytetarëve

10 Shtator 2021, 12:30, Aktualitet CNA

Fiqirete dhe Fadil Mlloja nga fshati Boric i Madh, në Shkodër, prej vitesh jetojnë me frikën se banesa e tyre mund të shkrumbohet.

Ngjitur me banesën është kabina elektrike e cila prej 1 viti është shembur, ndërsa telat e tensionit të lartë janë mbi pemë.

Fadili kërkon nga ana e oshee që të kalojë në pronësi të shtetit kabinëmn duke e larguar prej aty

?Unë prej 30 vitesh kam këtë kabinë në oborrin e banesës time. Vitin e fundit ajo është dëmtuar totalisht. I kemi bërë shkresa disa herë OSHEE-së në Shkodër por asnjë reagim. Vijnë e fotografojnë, vetëm kaq. Kërkoj që t?a heqin kabinën nga oborri sepse çdo ditë po rrezikojmë jetën. Telat e tensionit të lartë janë sipër pemëve, unë nuk i vjel asnjeherë pemët nga frika e tensionit. Kjo nuk është normale.?-tha Fadil Mlloja, për CNA.al.

Ai thotë se disa herë është ankuar pranë OSHEE-së, por kjo e fundit ka zgjedhur të heshte duke mos e zgjidhur problemin.

?Asnjë zgjidhje nuk kam. Sa herë që fshati mbetet pa energji edhe në mesnatë unë hap derën për këdo që vjen për të riparuar defektet. Tani kërkoj që kjo kabinë t?i kalojë në pronësi shtetit, e kam kërkuar ndër vite, nuk jetohet në këtë mënyrë.?-deklaroi Fadil Mlloja.

Janë rreth 30 banorë që marrin energji elektrike nga kjo kabinë.

E kontaktuar nga CNA.al, OSHEE Shkodër bën me dije se familja Mlloja duhët të hapë një proces gjyqësor ndaj OSHEE-së në mënyrë që kërkesa e tyre të merret parasysh.

Përballë këtyre burokracive, të moshuarit vijojnë të jenë çdo natë të rrezikuar pasi çdo erë apo stuhi mund të hedhë sipër banesës kabllot elektrike, ku do ishte një tragjedi e pa shmangshme./CNA.al





Lajmet e fundit nga