E fundit!

17:34 Politikë

Rama pret në takim Presidentin e Lituanisë/ Zbardhen diskutimet

Kryeministri Edi Rama ka pritur ditën e sotme në një takim...

Studimi/ Mbrojtja e vaksinës Pfizer tek gratë shtatzëna është shumë e lartë

8 Shtator 2021, 19:03, Aktualitet CNA

Një studim Izraealit i bërë së fundmi ka bërë me dije se vaksina Pfizer është shumë efektive për gratë shtatzëna, në krahasim me pjesën tjetër të popullatës së përgjithshme.

Profesori i Politikave Shëndetësore Elias Mosialos i Shkollës së Ekonomisë dhe Shkencave Politike në Londër (LSE), ka qenë ai që e ka publikuar rezultatin duke theksuar se janë në pritje të të dhënave të tjera.

“Ne do të presim për studimet e ardhshme për të mësuar mbi dinamikën e efektivitetit të vaksinës gjatë gjithë shtatëzanisë, si dhe marrëdhënien midis kohës së vaksinimit dhe mbrojtjes së foshnjave,” tha ai.

Ai thekson se “për fat të keq të gjithë tani i dimë rreziqet e sëmundjes Covid-19. Ne gjithashtu e dimë se shumë kanë frikë sepse janë ndikuar nga gënjeshtrat që përhapen dhe qarkullojnë.

“Por studimet shkencore tregojnë vetëm një gjë: që gratë shtatzëna që ushqejnë me gji dhe çiftet që planifikojnë të krijojnë një familje mund të vaksinohen pa frikë.”

Qëllimi i studimit vëzhgues ishte vlerësimi i efikasitetit të vaksinës në një grup të madh të grave shtatzëna, të moshës 16 vjeç e lart, të cilat nuk kishin asnjë infeksion të mëparshëm të koronavirusit SARS-CoV-2. Gratë shtatzëna të vaksinuara u krahasuan me gratë shtatzëna të pavaksinuara, të cilat kishin saktësisht të njëjtat karakteristika demografike dhe klinike.

Në studim ishin pjesë 10,861 gra shtatzëna të vaksinuara u përputhën me 10,861 gra shtatzëna të pavaksinuara dhe u hetua nëse infeksioni koronavirus shkaktoi sëmundje simptomatike Covid-19, shtrim në spital dhe sëmundje serioze.

Gjatë një ndjekjeje mesatare prej 77 ditësh, u vlerësua se efektiviteti i vaksinës nga shtatë në 56 ditë pas dozës së dytë ishte:96% kundër infeksionit të dokumentuar, 97% kundër infeksionit me simptoma të dokumentuara dhe 89% kundër shtrimit në spital të lidhur me Covid-19.

Ndërkohë vetëm një rast i sëmundjes së rëndë u vu re në grupin e pavaksinuar dhe asnjë vdekje nuk u vërejt në asnjë grup./ CNA.al