web counter
LEXO PA REKLAMA!

SHKARKO APP

App Store
Google Play

E fundit!

x

Do të udhëtoni drejt Gjermanisë?/ Ambasada bën njoftimin e rëndësishëm

9 Shtator 2021, 10:25, Aktualitet CNA

Ambasada Gjermane në Tiranë ka bërë një njoftim të rëndësishëm për të gjithë qytetarët shqiptarë, që duan të udhëtojnë drejt Gjermanisë.

Në një njoftim në faqen zyrtare, thekson se prej datës 5 shtator, Qeveria Federale ka riaktivizuar kufizimet e hyrjeve në Gjermani për personat rezidentë në Shqipëri.

Kjo masë, merret në funksion të pengimit të përhapjes së mëtejshme të infektimeve Covid-19.

?Riaktivizim i kufizimeve të hyrjeve në Gjermani nga udhëtarë shqiptarë kushtëzuar prej pandemisë

Duke nisur që prej ditës së diel 05.09.2021 Qeveria Federale ka riaktivizuar kufizimet e hyrjeve në Gjermani për personat rezidentë në Shqipëri. Kjo masë merret në funksion të pengimit të përhapjes së mëtejshme të infektimeve Covid-19. Për këtë arsye që prej këtij momenti udhëtimet hyrëse nga Shqipëria drejt Gjermanisë janë të mundura vetëm për arsye të rëndësishme ose nëse keni një çertifikatë të njohur të vaksinimit të plotë (kjo vlen edhe për ato udhëtime, ku nuk nevojitet vizë). Verifikimi i çertifikatave të paraqitura të vaksinimit dhe vendimmarrja për hyrjen është dispozitë ekskluzive e Policisë Federale të Kufirit.

Informacione të mëtejshme mund të gjeni në faqen tonë të internetit: https://bit.ly/3nlWL8B?-thuhet në njoftim./CNA.al





Lajmet e fundit nga